2009年11月15日 星期日

2009-11-15 (Sun) 台灣遊 Day 2 - 墾丁:砂島日落.墾丁大街


跟住差唔多到日落時間,我地就去返砂島睇落~~






d雲層真係好變幻無窮 feel 呀~~




跟住返民宿休息,從露台望出去既風景:




夜晚七點半,有車黎接我地去墾丁大街,呢度有個夜市,我地既晚餐就諗住係度攪掂啦!墾丁大街兩旁:



係街向上落去,其中一間鋪頭既櫥窗,係一個好大既性感女郎!



攪笑既眼鏡檔檔主




我地食左呢款烤魷魚,好美味呀!



呢檔意大利杯麵,太陽哥哥行過冇反應,我跟住佢後面,叫住佢,因為我鐘意食意粉,覺得好似幾得意,心郁郁想試...



細看之下,原來呀蘇同剪報都有介紹過喎,咁吸引,梗係試啦!



我揀左奶油雞肉麵,太陽哥哥在一旁偷師呢!呢位廚師哥哥都幾型仔呀,太陽哥哥都認同呢!都唔似一般檔口既佬feel老闆,總算年青一族,仲識煮野食,加埋咁既外型,唔錯唔錯!



冇影到close up,跟住一路繼續行街一路食,行住街食意粉真係第一次!攪笑~~一食即上癮,勁好味呀!跟住走回頭路時再encore,今次由太陽哥哥揀,點左匈牙利辣味牛肉麵!都好味,不過個人鐘情白汁多d,所以覺得奶油雞肉好味d!



廚師哥哥見我地翻兜,好開心好有滿足感呀,問我地好唔好味呀,又多謝我地咁!仲叫我地試埋隔離檔木瓜牛奶,因為同佢地有聯繫既!



見加少少錢有多杯野飲,就要埋啦;點知...唔好飲既!我真係想建議廚師哥哥唔好同佢做套餐啦,都唔好飲既,一陣影響埋自己個意粉生意呀!




回程路經墾丁派出所!




沒有留言:

張貼留言