2009年11月19日 星期四

2009-11-19 (Thu) 台灣遊 Day 6 - 清境:大生果.青青草原

live_line0522 (26).gif


今朝一起身,急不及待要開門睇下咩天氣,因為我要同羊咩咩見面呀!一開門...嘩~~好好天,陽光普照呀!天公對我們真好,去墾丁時,第一日去到冇咩行程周圍hea下就天陰陰既,第二日全日出去玩就即刻陽光普照;黎到清境又係一樣,尋日天陰陰,今日去我地要去農場玩就出太陽!仲記得係香港臨出發時,睇天氣預告話台灣成個星期都會天陰+落雨,但我地玩左咁多日都未有事,又冇落雨,亦冇冷風天氣好凍,真係好好運呀!



live_line0522 (26).gif


山莊外面有個伯伯賣生果,d生果勁大個呀!



呢d咁大個既係梨呀!




呢d係柿,我特登影埋我個鞋頭,咁大家咪知係幾大個囉!



live_line0522 (26).gif


跟住出發去清境農場啦~~清境農場主要分三部份:青青草原、觀山牧區、壽生園生態區。



我地先去青青草原~~



live_line0522 (26).gif


嘩~~呢度一大片草地,成個大草原咁,好多好多...唔係,應該係勁多勁多綿羊呀!好難影容,總之好多啦,成個山頭都係咁,幾百隻都有呀!真係大開眼界、嘆為觀止!



live_line0522 (26).gif


第一隻親近我地既羊咩咩~~我開頭都唔敢行咁埋,因為咁大個女,都係第一次咁近距離接觸綿羊,唔知佢地咩品性同咩反應,有d驚架;不過試過越行越埋,佢又冇走開,繼續自顧自咁食草,我就越來越大膽,慢慢咁摸佢,佢又冇走開,好乖好純呀!佢d毛仲係好厚同好軟熟呀呢!



太陽哥哥大膽過我好多,雖然佢都係第一次近距離接觸綿羊,但佢一野走埋去就摸落去啦!之後仲意途騎人地,嚇到人地食食下草即刻走呀,好變態呀...點可以咁樣對我d羊咩咩架!



live_line0522 (26).gif


跟住見到呢隻d毛短d架,應該前排比人剃左毛啦!陰公~~但呢隻乾淨好多,又係好乖架!



見佢咁定咁係度食草,我地就即刻set腳架自拍,不過一影佢就走開啦,以下呢幾張連環快拍好攪笑呢!



無奈+ing~~



live_line0522 (26).gif


乜綿羊有棕色既咩?我咁大個女都唔知呢!



好開心呀~~呢隻羊咩咩食我餵既草呀!Yeah~~



live_line0522 (26).gif


三隻一堆喎,梗係要去影相啦!大家都見後面條斜路幾斜架啦,仲唔係行人路添,但為左要同多d羊咩咩一齊影,我決定...爬上去!



越行越上,越上越近啦~~細聲d呀,唔好嘈走佢地!



成功啦~~



live_line0522 (26).gif


繼續玩~~



live_line0522 (26).gif


太陽哥哥見我咁鐘意d羊咩咩,又玩得咁開心,一路又追又曬住咁幫我影左好多相,仲叫我繼續玩唔洗幫佢影,好錫我呀! 玩到咁上下我先幫佢影咋~~



live_line0522 (26).gif


有毛同冇毛既羊咩咩的分別



live_line0522 (26).gif


咁難得又見到棕色綿羊,要影呀~~



live_line0522 (26).gif


今日都好曬,我地由原本著晒長袖衫,行到要除淨入面件衫呀!早知著短袖啦,但我地係聽山莊老闆講先著多件衫,佢話清境農場比山莊仲要高,呢度有成海拔2000公尺架!但我真係好鐘意同d羊咩咩玩同影相,所以曬都冇理,返到去就知死了~~



live_line0522 (26).gif


草原裡既羊咩咩,大多都怕人,影相影唔得耐,一張起兩張止,通常都好快走開,但行行下,我地見到有幾隻綿羊圍住幾個台灣人,原來要食佢地d米通!乜綿羊食米通既咩?我以為綿羊只係食草咋喎!



呢隻綿羊最為食呀,連地下d米通碎都唔放過~~



佢掛住食地下d米通碎,我地就爭取機會,任影唔嬲~~



太陽哥哥話佢有得食咩都唔理,騎佢都得喎,咁我就試下...又真係得喎!哈哈~~不過我冇堅坐上去,只係作裝咋,我對腳仲掂到地架!



騎咁耐都唔走開,真係有得食咩都唔理呀,好為食呢!



live_line0522 (26).gif


呢座係青青草原入面既"綿羊音樂城堡",遠睇好靚呀,襯埋藍天白雲,太陽哥哥話同人講去左英國都似呢!清境呀清境呀,妳真係好靚好迷人呀~~



live_line0522 (26).gif


城堡有綿羊欄供遊客餵羊咩咩~~



live_line0522 (26).gif


我係城堡買左幾隻羊咩咩:



原來綿羊生出黎係有尾巴架,只係為左避免糞便污染尾部皮毛,同埋大個後剪毛方便,係2歲前會以橡皮筋套索施行截尾,而下截尾部會自行脫落...聽落好慘好殘忍呀,講真,人類都係為左剪佢地d毛做生意咋麻...



live_line0522 (26).gif


城堡另一邊小路個view又係好靚,呢度每一個角落既景色都好正呀!



live_line0522 (26).gif


又有隻羊咩咩自投羅網啦!哈哈~~



呢隻勁乖,係我地身邊食左好耐草都冇行開,仲任摸任騎!



短片~~留意23秒時,仲錄到隻羊咩咩叫呢!
(如blog睇窒, 可去: http://www.youtube.com/watch?v=wAf-5OVnupg)



live_line0522 (26).gif


沒有留言:

張貼留言