跟住我地去埋清境農場最後一部份既『壽生園生態區』，呢度睇植物多，冇咩特別～～
咁就玩完成個清境農場啦，之後慢慢行返落山，由大約海拔2000公尺行到海拔1700，去返尋日既遊客中心同商場～～
再食多次尋日間咖啡店，今次我同太陽哥哥都食飯，呢餐好好味呢！
之後就等山莊老闆黎接我地，返到山莊只係下午三點，無咩特別野做，休息一陣我地就決定去廬山浸埋溫泉，為呢個清境之旅再增添不少色彩！
橋上兩旁望落去，原來係度重建緊，司機話前排水災，呢度受最大影響，呢間碧樺溫泉會館既簷逢以下地方，曾被水湧晒入去！
一路行去浸溫泉既地方時，感覺呢條街有點似九份呢！
浸溫泉既地方：
呢個溫泉麻麻地靚，又舊舊地，台北既春天酒店起碼靚十倍呢！不過唔緊要啦，旨在到過廬山，浸過溫泉啫！回程係吊橋上影相留念～～
跟住返山莊，剛日落完，仲隱約見到紅紅的晚霞，還有濃濃的雲海，真係好似仙境一樣！
明早就離開清境了，臨走時都比我見多次咁靚既景色，好滿足呀！山頭係雲上若隱若現，既似海市蜃樓，又似天空之城！呢個景象，我會永遠記住，真係好靚．．．
浸完溫泉特別肚餓，返到山莊就即刻食晚飯啦，我食本身包埋既碟頭飯，太陽哥哥就再食火鍋！
晚飯後重要節目係．．．放煙花別清境！之前係墾丁買既煙花，一定要今晚玩啦，因為去到台北就冇機會玩，亦唔能帶返香港！經過上次係墾丁出火既經驗，雖然只得二十支畫畫煙花，但都影到好多又成功又好靚既圖案！我仲同太陽哥哥一決天下，睇下邊個畫得靚ｄ！
太陽哥哥的作品～～佢成日都要簽名，雖然我都唔明有咩好簽！哈哈～～
不同style既圈圈：
不同style既心心：
見佢冇咩創意，我叫佢畫蘋果，都幾似喎！
LOVE：
逆轉寫既LOVE，呢個我真係寫極都錯晒方向，呢個絕對要向佢認輸！
用兩支畫畫煙花寫既雙星／雙心：
到我show time啦～～雙星＋唔同style既雙心，畫心型梗係我強項啦！哈哈～～
正常的LOVE，逆轉真係寫極都錯方向．．．
呢個煙花比賽，雖然我寫唔到逆轉的LOVE，但我覺得我都應該贏太陽哥哥既，因為我比佢更多創意，佢畫黎畫去都係簽自己個名同星心圈咁，我就畫左好多唔同公仔呢！我仲畫到逆轉的高音譜號呀，呢樣先最勁！
以下就係證明～～不過一路畫時笑料百出，太陽哥哥按快門時成日笑我同扮我，佢話我動作特別誇張喎，因為我地通常要係個幾秒曝光時間快快將線條畫出，跟住成個人要hold住同定格，唔好郁，唔係就破壞成幅圖案架啦！係以下既相片入面，都隱約睇到我定格時個甫士，有擘大腳，有坐無櫈，有舉起手等等．．．又真係幾爆笑既，唔怪之太陽哥哥成日忍唔住要笑啦！
高音譜號畫左好多好多次呀，練左幾次先將方向攪清楚，話晒逆轉咁畫喎，真係好難架，開頭畫一係畫得太肥，一係中間個圈太大．．．最尾個張終於成功啦，亦係最滿意既！
圈中有星／有心亦係我好滿意既佳作！
今日節目真係好豐富，玩得好開心，好難忘！呢次清境之旅，就係花火下劃上圓滿既句號喇
沒有留言:
張貼留言