睇完海洋動物，我地繼續墾丁旅程，先去後灣，呢度有條好sharp既後灣橋，影相唔錯！
因為顧住食包，個口含住啖包咁影，加上手上舊包穿崩，要再補影！嘻嘻～～
跟住到萬里桐，呢個景，車我地個姨姨話呀唔知邊個，係戲入面就係望住呢個海諗野喎～～
我都叫太陽哥哥望住個海扮諗野～～
呢位就係呢兩日車我地個姨姨啦，佢姓胡既，都係多得佢，我地先去到墾丁咁多地方咋！
之後去白砂灣，又係海角七號拍攝景點！
跟住去貓鼻頭，呢度係一個頗大既遊客中心，一大片地方，應該係熱門景點！
沿住條小路上去就係觀景地區～～
貓鼻頭介紹：
似一隻趴係度既貓嗎？我覺得麻麻地似啫．．．不過我地一陣去第二個景點睇會似好多架！
裙礁介紹：
似一層層的百摺裙嗎？
高處影下的四周景色，下面就係遊客中心，我地行左好多路上黎呢！
之後去出水口～～
呢條就係出水既位置，遠處見到今朝既風車位置，如胡姨姨所講，其他景點看風車會變得好細呢，好在今朝近距離影左相咋！Yeah～～
太陽哥哥叫我行出去，我出左去但唔敢跳過ｄ石柱，最後都係折返，遠處幫佢影相算了！
呢個位遠眺貓鼻頭又真係唔錯喎，胡姨姨真係無講錯，真係似趴起度既貓呀！
我叫太陽哥哥同貓鼻頭 kiss kiss～～
太陽哥哥跳到好出，行到好近海邊，佢好興奮呀，因為我去唔到丫麻！
睇佢開始跳到頂唔順啦～～哈哈！梗係啦，我係咁話：哎呀，影唔到，要再跳！佢一共跳左十幾廿次呀！仲係咁問：得未呀？得未呀？哈哈～～鬼叫佢咁出到去我出唔到佢咁興奮丫拿～～仲唔整古到佢～～嘿嘿！！
見佢跳得咁興奮，我叫佢扮成龍大哥大獻身手，我仲扮埋導演，指揮佢聽到我大喊action先開始，呢段片好爆笑架！
沒有留言:
張貼留言