太陽哥哥黎過台北幾次都未去過101，我地今日就去市政府個頭shopping喇！先搭捷運由西門到市政府站～～
市政府呢帶有幾個大型商場，淨係新光三越已經有幾幢！
新光三越內發現類似Tokyo Hands既 Hands Tailung，貨品應該全部都係from日本，但就冇Daiso十蚊店咁平；勁多野睇呀，淨係行呢度都行左個幾鐘！
呢度好多得意野，有ｄ純粹靚，有ｄ就好實用，我好多都想帶返屋企，但當然冇可能啦，唯有影張相，就當擁有左架啦！
呢個掛衣飾真係幾好，貼心到前後唔會撞位，充分利用晒ｄ空間！
呢款掠衫袋我係香港吉之島十蚊店買過個，不過只係一層，呢度就有個兩層，勁！
呢個用黎掠鞋架，呢度真係好多新奇又實用既野呀！
我既收穫只係以下呢ｄ，唔係好多，因為始終都係Daiso十蚊店平ｄ！
雙層飾物盒，用黎放耳環正呀！
牙刷架，梗係用黎放我同太陽哥哥既牙刷啦！
呢個杯第一眼已好鐘意，只係覺得為起港幣$100有點貴，但行完成間鋪頭後，臨走都係忍唔住要帶佢返屋企！
係三越超市見到 hello kitty 通心粉，影低比姊妹們睇先！
行緊去第二個商場時，係馬路見到好cutie又colourful既車車！
返到香港load相時先見到除左架橙色外，原來後面仲有架白色呀！
再行前ｄ，係商場旁見到個booth，哦．．．原來係電話宣傳日，ｄ車車真係好可愛呀，仲有黃色同粉紅色，我都想要返架呀！
跟住去左New York New York，我同太陽哥哥都各有收穫！
上次黎台灣時買過呢間Target Sports既 boxer，好好著，所以見到就入貨，可惜唔係好多款，唔係太陽哥哥實會掃晒呢！
我就係Products Bros買左幾件tee，其實覺得tee上既公仔好得意先入去睇下，我咁大個人，已好少著公仔衫了．．．不過太陽哥哥極力叫我買，又係咁叫我試，佢話覺得好靚好得意呀，所以最後就買左幾件；雖然返到去都未必成日著，但買左先啦！
呢個品牌都幾grand，個膠袋純粹包住件tee架咋，跟住會再入紙袋；而tee上的每個紙牌，公仔款式都唔同架！
我總共買左三件，每件tee前後都有公仔架！我最鍾意第一件，我係太陽哥哥個baby麻，所以被baby呢個字吸引左
太陽哥哥就好鍾意呢件：
呢款雞雞都好可愛：
之後我地去到101啦，但今日陰天，我地冇考慮上去睇風景，只係黎行街咋！
原來101有個自己既icon公仔，我幾年前黎時都冇發現，唔通係近年先有既？
係101超市：
最後係101間Ｍ記試左個香港冇既包：
跟住我地就搭捷運去台北車站，繼續shopping～～
呢度間三越最多手信選擇～～
我又有收穫啦～～
呢度竟然再次比我地遇見Daiso十蚊店，仲係好大好大間，我地行左兩個鐘都有呀！今日買左好多野，拎到成手都係，加上我地個喼已滿，點都要買個大袋裝野；最後就買左兩個環保袋(紅藍白款式)，一個粉藍，一個粉紅，勁靚呀，我一見到就鐘意！聽日同太陽哥哥一人一個拎上機，襯到爆添呀！
除左買野，我地都有睇野既，呢個摩天輪係全人手造架，勁呀～～
呢度竟然有間好大既Gundam shop：
雖然我唔鐘意機械人，但呢個基地連我都覺得幾勁呢，尤其係個機械人運輸帶～～
係咁行街消磨時間，就係因為要等係呢餐 Mo Mo Paradise 食火鍋呀！
有四個湯底選擇：
Mo Mo Paradise 既肉品係來自澳洲既；任食個半鐘，約港幣一百蚊一位～～
我左手個碟係牛肉，右牛個碟係豬肉，呢度ｄ豬肉同牛肉一樣，涮到一變色就食得架啦！呢餐真係好好味，我同太陽哥哥都食到捧住個肚走！
最後仲有酸mei mei既砂冰仔做甜品，我一向唔食酸野，但呢個砂冰仔我覺得好好味！
埋單時亦奉上糖同牙簽，非常貼心！
之後就返西門啦，又再行陣街同買野食返香港！木瓜牛乳每次都唔少得，只係今次我地買兩盒咋，因為個喼冇咩位放呀！
蜜桃味Extra係台灣新產品：
行完街就係西門町買宵夜返酒店食，呢個就係住西門町最方便既地方！跟住就開始執行李．．．聽日就走啦，好唔想走呀，想繼續玩呀，唔想返工呀．．．
沒有留言:
張貼留言