行完青青草原，之後我地就上觀山牧區喇～～
呢邊景色一樣咁靚，天氣又咁好，心情真係想飛一樣呀！身後就是青青草原的城堡，離好遠處了！
觀山牧區呢邊，ｄ羊係一群群架，一影相就可以一次過影好多隻！
其實呢個地面係斜斜地架，不過相入面唔覺，我為左同羊咩咩影到相，成日都唔怕，呢咪咪差ｄ跣低囉！
原先諗住同兩隻羊一齊影相，點知．．．
我左手邊個隻一ｄ都唔怕人，一路食草，仲越食越埋，慢慢走近我身邊．．．
可能羊係慣左群體生活，一隻走埋黎，後面個ｄ都跟住走埋黎呀！
唔知係咪我腳下pat草特別好食呢？定係我太吸引？
想走都難，因為．．．
我已經被羊群包圍住啦！ｄ羊咩咩咁鍾意我，好開心呀！
之後見到有個小山丘下面片草地有好多羊咩咩呀，有棵大樹下面都好多呀，我地就落去睇喇！
原來ｄ羊咩咩係大樹下休息，佢地掛住休息同訓覺，唔理ｄ遊人，我地點影都唔避開我地架！
真係好多好多羊咩咩呀～～
太陽哥哥作狀騎上其中一隻羊咩咩度，但隻羊咩咩都懶得理佢，好勁呀，一ｄ都唔怕人，綿羊真係最溫純既動物呀！不過太陽哥哥呢個甫士，似痾緊屎多ｄ呀！哈哈～～
跟住我發現係羊群度，有隻．．．有角既羊架，仲係唯一一隻！佢係呢堆羊咩咩中最大隻架，亦係最污糟，所以我唔敢攬佢！哈哈～～加上太陽哥哥話佢可能係呀頭喎，我都驚驚地佢呢！
呢邊呢隻又乖又乾淨，係度訓緊覺～～
難得又見到棕色羊咩咩～～
見佢趴到瑟縮一角咁，細看之下，原來佢受左傷，好陰功呀～～
呢隻羊咩咩掂呀，佢冇訓覺，又冇掛住食草，仲企定定同我影相，係最合作既一隻羊咩咩，因為之前影個ｄ羊咩咩，好多都係烏低頭掛住食草既，呢隻我就可以同佢一齊望到鏡頭喇！
影影下隻羊咩咩仲叫添呀～～睇下佢個咀，打開左架，仲見到佢ｄ牙添，唔通佢想同我講野？！
隻羊咩咩講完野仲拎過黎我呢邊，一ｄ都唔怕我，唔通仲想錫我添？！
呢隻羊咩咩又掛住食草．．．
影影下，後面個ｄ又行近．．．呢度ｄ羊咩咩似乎仲鍾意靠近我呀！呵呵～～
一共有四隻羊咩咩呀，又會企得咁整齊既？好攪笑呀！
見呢隻羊咩咩係我身邊食咁耐都唔走開，佢應該都唔抗拒我，我就．．．
試下騎佢啦！
見羊咩咩冇咩反應，仲係咁掛住食草，我就再貪心ｄ，試下．．．提起雙腳．．．黎個堅騎！
點知羊咩咩都冇感覺咁，都係掛住食草．．．又會冇反應既？我仲擔心過佢呀！哈哈～～
羊咩咩仲會繼續行前一兩步，自顧自咁食草，佢郁時反而我跌佢都未跌呢！
堅騎羊咩咩短片：
(如blog睇窒, 可去: http://www.youtube.com/watch?v=GVrlNkyo4cE)
我冇諗過綿羊都可以騎架！呢度真係好多綿羊，我諗去紐西蘭，都未必可以一次過見到咁多咁多羊呀！真係好開心、好好玩、好難忘呀～～
我愛清境！我愛羊咩咩呀！
沒有留言:
張貼留言