今日放假一天，前日係機場時已同表姐講過放假，仲約定今日飲茶添！飲茶時，我又預備左．．．益力多比諾諾呀！佢一見到就瞪大眼啦，認得係好野呢！
因為我五點要出旺角，飲完茶成三點，中間冇咩地方去到，表姐就話上恩恩屋企喇！
係屋企都總算搵到ｄ諾諾岩玩既玩具，佢話同ｄ公仔梳頭喎！哈哈～～
玩donald duck～～
睇電視～～屋企部電視，原來有ｄ內置英文故事比小朋友睇架，諾諾都睇得好入神呢！
見到識得既野，諾諾仲興奮，好似counting bananas～～
戴眼鏡～～
跟住我地諗住落樓下吹泡泡，去到lift口時，幾涼爽喎，咁洗乜落樓下吹呢？索性係lift口玩仲方便啦！諾諾仲未好識點為之吹泡泡，同佢玩吹泡泡其實佢係追泡泡！哈哈～～諾諾吹左幾下，個樣勁攪笑，睇佢嘟到個咀幾長～～仲有呀，佢好肉緊呢．．．睇佢ｄ手指～～係咪好有YO YO YO feel 呢？
吹到咳添呀～～
因為都幾好風，真係好多泡泡呢！
係屋企我同表姐整古諾諾，比ｄ假曱甴＋四腳蛇佢，睇下佢有咩反應．．．點知， 諾諾竟然冇反應，問佢隻曱甴係咩黎，佢仲答係spider，超爆笑！
沒有留言:
張貼留言