2008-11-22 (Sat) 羊腩煲

今早八點幾就比太陽哥哥嘈醒，不過唔緊要，因為佢又入機場啦，我就叫埋媽咪威哥一齊去食早餐，點知威哥揀訓覺；食過早餐後，我地仲同太陽哥哥講笑咁講話等佢入黎同我地食tea！

等左成日都冇聲氣，天都黑埋，冇計啦，一日好少可入兩次機場既；但太陽哥哥都要再入青衣，因為天氣開始凍，我地今晚想係屋企樓下冬菇亭食羊腩煲！

但不嗜羊的我，全程只食了兩舊咋，仲要係早餐之後都冇食過野，唯有食下沙薑雞、卥水拼盤同鬼馬炸魚餅啦，不過唔記得影相！碟鬼馬炸魚餅幾得意架，其實係泰式炸魚餅黎，但中間攝左舊油炸鬼，幾香口幾好味架！