2008年11月16日 星期日

2008-11-16 (Sun) 青衣城 MOS burger


試左青衣城新開的MOS burger啦,其實係月頭試架啦,不過宜家先寫返!


個人覺得,呢間MOS burger最似日本當地MOS burger舖頭的style,無論入面裝飾、燈光、檯櫈等等,就比如朗豪坊個間似露天cafe style,而呢間係真真正正一間餐廳咁!





新出的白鱈魚漢堡,勇於試新野的我當然唔會放過,而太陽哥哥每次都只叫海洋珍珠堡,悶死人,哈哈!





餐廳feel果然唔同d,食都食得舒服d!Happy Hamburger House好有家的感覺,好warm呢,哈哈!




原來MOS burger闖進香港已經兩週年啦,宜家已經有八間分店添!仲記得第一間係APM foodcourt開既,當時仲同elsa係度諗計仔,點樣敵過人籠搵人幫手買,哈哈!一眨眼,原來已經兩年喇,真係光陰似箭!諗返個日...當時太陽哥哥仲係大陸返工,趕落黎同我地睇戲,未黎到我地已經去定foodcourt霸位,第二日仲好似係去海洋公園哈佬喂架,咁應該係2006年10月黎架...嘩嘩嘩,越諗越多添,好多景象浮出黎呀!


有食過又有呢張咭仔,但冇興趣換既朋友,唔介意可比左我,因為我有興趣呀!嘻嘻~~






MOS burger同摩斯漢堡大家就聽得多,咁大家知唔知點解叫MOS burger呢?其實我都唔知,今日先知咋!


原來MOS三個英文字係解Mountain、Ocean、Sun,所以呢度d畫咁有大自然feel!聽到都覺得好舒服好寫意,我好鐘意呢個原意呀,創辦者真係掂,令我更愛MOS burger!





沒有留言:

張貼留言