2008年7月25日 星期五

2008-07-25 (Fri) 出走一天.後記

 


出走一天時,全日冇同外界聯絡,太陽哥哥打比我好多次呢...其實我之前已同佢講左兩次,我今天會去長洲,加上我有檢查並無留言,我又點知佢會打左廿幾次搵我喎...


出走一天後去左鰂魚涌接佢放工,係電話度都聽到佢惡惡地...驚...


一見佢,已好醒目咁即刻say sorry,點知,絕情既佢無動於衷,黑面加訓話...我同佢講我有講低會去長洲,佢話以為我講笑,就算係,唔應該搵我唔到...em...駁唔到...驚...


講講下,佢話:唔得呀,我宜家好嬲呀,好嬲呀,好熱呀!


一路講一路打開個袋,跟住拎左...馬仔把扇出黎呀!仲一路講:好嬲呀,好熱呀!


哈哈哈哈~~~~


我話:唓,原來您咁易氹既!(當時只係去到銅鑼灣咋~~)


跟住比佢"掘"住,嘻嘻~~


佢原來託同事買既,佢話尋日已買左,仲諗緊點比我,咁岩我激嬲佢,就順水推舟啦!


我真係好開心呀,開心到笑不停,因為有書有扇有月曆,網頁已宣佈左扇送左啦,好在太陽哥哥同事係星期四去咋!!!勁開心!!!勁鐘意!!!


 


為表歉意,我請左太陽哥哥食晚飯,突然好想食黑松露汁,就去左女人街呢間一d都唔平的diamond餐廳,因為呢度消費都要大概一百蚊位架,係女人街,硬係覺得算貴架啦,但d野食真係好得架!呢間diamond餐廳,對我同太陽哥哥都有d意義架,因為兩年幾前就係係呢度食飯,交換返msn,就係呢次食飯,我地先會多返聯絡,跟住佢就約我出街,跟住就...嘻嘻~~



兩味食物都好正好好味!




一路拎住把扇威威先,係地鐵度仲有小朋友指住呢!嘻嘻~~



 


記得今年同太陽哥哥係泰國過生日時,同佢講過,希望我能成為佢既天使(大家聽到唔好嘔呀~~),達成佢所有既願望 - 佢三十年來第一次係海外過生日!今日,好似佢做左我既天使一樣,冇諗過係咁既situation下會有個驚喜!當時佢嬲緊我兼黑面對住我,我都驚緊,因為冇諗過咁大件事麻,點知...真係好開心,成晚楂住把扇笑咪咪!


天使給我送上想要的!! 謝謝太陽哥哥!! ^^


Picture


不過好可惜,紙盒已經賣晒...唯有等遲d係書局買返啦!

Picture


 


2008年7月到2009年的月曆,每個月都有個主題,真係好得意,覺得馬仔真係好叻女,可以聯想到咁多野,兼且樣樣都畫得好神似好貼題,好勁,好佩服!


影左我覺得畫得好攪笑的畫同大家分享下!



















 


沒有留言:

張貼留言