返part-time的日子，太陽哥哥好多時都會黎接我放工；一來佢公司呢期都peak season會遲放，二來佢weekend要楂車，我宜家又返埋part-time，一齊出街的時間少左，所以佢話盡可能都會抽時間陪下我，聽到當然開心啦；不過佢都唔會日日OT放十點架麻，有時八九點放左，佢就會去coffee shop畫畫／睇公仔書等我，同我放工時差大概一個鐘，都可以接受；不過有次佢試過七點就放左工，但佢又怕我返緊工聽唔到電話就連SMS都費事SEND比我，跟住係街度消耗左三個鐘頭等我，攪到我幾內疚，自此後，我叫佢放咁早時就唔好再等我了！
幾天前收工，太陽哥哥黎到接我放工，我可能呢兩個星期都返得好密，一星期超過半數日子係要返埋part-time既，太忙碌，令我非常攰，亦覺得日日咁返工，生活真係冇咩新意；等緊巴士時，我問太陽哥哥：
您頭先行邊呀？
冇呀，周圍行下咋！
咁有冇買野比我呀？
冇呀．．．
實有既，係咪係背囊呢？朱古力！
冇呀，您想要呀，講我知我去買麻．．．
我想要驚喜麻．．．冇既．．．
失望好快一掃而空，因為上車後我就訓左，哈哈！好攰呀．．．
跟住係屋企，我係廳度睇緊電視，電話突然響起，咁夜邊個send sms黎呀．．．一睇．．．
嘩！心諗，係真係咁大支？但香港唔覺有得買喎．．．定係將普通size拎係鏡頭前影咪咁大呢？即係衝入房，就見到：
嘩！係真係咁大支架！哈哈！原來太陽哥哥有同事去泰國，佢見上次我話晒錢冇買到，就託同事係機場幫佢買，佢ｄ同事原來都未見過，係公司已經玩左一輪啦！同事仲問佢，咁貴都捨得買？梗係啦，買比女朋友喎，嘻嘻~~
呢個驚喜，除左帶比我開心外，有種感覺係好微妙既，就係咁岩我呢晚失驚無神開到口問太陽哥哥要驚喜，咁岩佢尋日同事幫佢買左呢支JUMBO珍寶珠而佢又已經拎左返屋企；種種巧合，太陽哥哥就順勢造就左呢個驚喜！
唔通戀人間就係會有種咁微妙既連繫？定係ｄ人成日講既命運？個天一早舖好晒所有路，我地點行個天一早知，我地行既每一步已經係預計之內．．．即係由太陽哥哥託同事買珍寶珠個剎那開始，就係會有我今日開口問佢要驚喜呢一幕？所有野根本已經係計劃好晒，只係我地一步一步咁行去已經預定左既路咁？
總之今次感覺真係好微妙好特別，太陽哥哥仲話又會咁邪添呢！
第二日，我地仲拎住支JUMBO珍寶珠扮野影相呢！您睇我楂咪個手勢，留意手指尾，係偶像華仔獨有的楂咪手勢黎架！哈哈！
撇開頭先講既微妙連繫，我真係好鐘意呢個驚喜呀，因為真係完全係預計之外，事前全無跡象，真真正正做到又驚又喜！最重要係其實我真係好鐘意呢支JUMBO珍寶珠，之前放棄左冇買，宜家竟然係我手中楂住，真係好實在好失而復得咁！太陽哥哥話呢支JUMBO珍寶珠係黎緊六號我地23個月紀念日的禮物，非常有意義呢！嗱，如果佢六號先送，我可能要有預計佢會送野比我，驚喜冇咁大；宜家係咁既情況下送左，真係一個好正的"驚喜"！
而我，就買左條kappa短身運動褲比太陽哥哥做禮物，因為天氣越來越熱，佢話著長褲楂車好熱；佢咁貪靚，平時出街唔會著短褲架，除非係屋企或者落街先會著，所以屋企一路冇出街的短身褲，全部都係牛記同黑色運動長褲；見佢咁辛苦楂車，揀呢樣送比佢就最岩啦！又出得街，又見得人，最重要係大熱天時，唔洗再著長褲去楂車啦！
沒有留言:
張貼留言