今日中午就過左銅鑼灣啦，先去工聯會報個夏季課程玩下，跟住第一次去試 Musee Tokyo脫毛；自己一個人唔知食咩好，就去左細妹同文強推介的『榮記車仔麵』。
好多餸揀，同埋好多出面冇的選擇！
我試左豬腸、墨丸頭、豬紅，ｄ餸真係好正！不過湯底就一般，辣要自己加，又冇咖喱汁。
夜晚等太陽哥哥放工後，繼續係銅鑼灣闖盪，買左件新泳衣，希望今年有機會同太陽哥哥一齊去遊船河或者游下水啦！
晚飯去左MIST，好掛住呢度ｄ拉麵呀！今次我第二次黎，太陽哥哥就之前同朋友黎過，食多我一次；今次我地坐吧檯，望住廚師整比我地食！
今次我地冇叫其他dishes，只係兩碗麵，埋單二百幾，經濟好多！
今日諗住去配bra bra，點知原來星期日唔開，激死！
沒有留言:
張貼留言