2011-05-14 (Sat) 探BBs+太陽哥哥慶生日@Kim's Home

太陽哥哥舊同事Kim屋企又添多個囝囝，剛滿月幾日，今日約埋太陽哥哥舊同事一齊去Kim屋企拜訪；細BB會取名為敏雋，佢只係一個月就長到成個大人樣一樣，好攪笑！

又見到大BB敏昊，同佢玩真係好開心！

比我捕捉到sweet爆一幕～～

其實其他人下午已經黎到，因為太陽哥哥楂車＋美極要返學，我地先晏黎，黎到已經六點半，同佢地相聚時間只係半個鐘，佢地就走啦，我地就繼續留低同Kim一家食飯！

佢地走晒後，得返我地自己玩～～

太陽哥哥好鍾意同大BB玩，踢波都笑到咁開心！

太陽哥哥整古人地，好衰呀！

玩飛天～～

大BB戴左媽咪個頭盔～～

太陽哥哥又整古佢，放佢落地，睇下個頭盔咁重佢起唔起到身喎，好變態呀！哈哈～～

不過又好輕易咁起到身呀！

晚飯我地叫左KFC外賣，好大包呀！

同大BB玩左成晚，佢同我都好 friend 喇，成日撩我！

飛行棋地毯～～

送禮比小BB先，有利是有衫仔！

衫仔係赤柱買左好耐啦，new born size，一直怕再唔黎探呀Kim BB會唔岩著，好在OK！BB媽咪都好鍾意我揀呢件青蛙仔，其實我都好鍾意，仲好想自己儲，但儲黎都冇用先打消念頭咋！

臨走時Kim話仲有野未做喎，原來．．．佢地預備左蛋糕比太陽哥哥呀！呢班朋友真有心，睇得出太陽哥哥好意外＋好開心！