前日先放假同諾諾遊山玩水左一日，只係得尋日冇見，已經好掛住佢啦，今日又忍唔住要去見佢！表姐仲攪笑，九點半己打比我，問我起身未，因為諾諾早左起身呀！但我當時仲訓緊，哈哈～～
去到表姐屋企十一點幾，諾諾食緊mum mum，佢見到我識叫我做恩恩呀，超開心！食完野放佢落地，一見佢呢件訓覺衫就覺得好靚啦，ｄ樹葉係立體架，係縫起棵樹上面架，加埋個平腳cutting，似足潛水衣一樣，型呀！
諾諾見我影佢相，好攪笑咁行遠ｄ，似為佢走開啦，點知跟住佢拎轉身定定咁對住我，原來擺甫士比我影相呀！哈哈～～
跟住換走訓覺衫，換上件女仔衫，哈哈～～有前有後：
褲浪位好攪笑，有隻公仔架．．．
黎個close up先，嘻嘻～～
諾諾識one同nine，唔識個ｄ佢會擰頭，表姐夫教佢two，每次大人講two，諾諾會駁住話three！好攪笑～～
午飯又係呀butt煮比我地食，我怕唔好意思，叫左表姐煮簡單野，有炒飯同湯，仲有表姐夫特登同表姐講：嘉恩鐘意食呀butt既雞翼呀！所以又有雞翼食，真係有我心啦，定係表姐夫自己都想食呢，因為我知佢都鐘意食架，上次仲同我講下次試呀butt既黑椒雞翼丫，都唔錯架咁！嘻嘻～～
雞翼真係勁好味，一於下次再encore！
我地食野，諾諾又拎住個食物盒話要食野呀，我問佢咩黎，佢好大聲話mum mum呢！
嘩，諾諾您攪咩呀？
我陪諾諾玩積木+ing：
跟住諾諾訓晏覺，我就冇野做，走去影低諾諾另一作品，睇唔睇得出係咩黎呀？
後面仲有寫低諾諾英文名clement呢！
睇下我同諾諾幾friend，佢肯坐係我大脾度睇電視架！
今日表姐本身有朋友黎屋企探佢，係一家三口，呢個ＢＢ囝叫Ethan，大諾諾一日架咋，但佢個樣好似幾歲個ｄ大ＢＢ呢！
只相差
Ethan好熱情咁攬諾諾，諾諾好似有ｄ驚呢．．．
開始一齊玩得好開心啦喎～～
相差一日出世，邊個高ｄ呢？好似一樣啫～～
睇下諾諾ｄ衫褲，摺得好整六呢！淨係口水肩都成叠！
去人屋企仲拎野走，表姐見我成日聞諾諾，又話諾諾好香，佢就比左支諾諾用開既chicco BB柔順劑比我啦，嘩，呢份係大禮黎架，起碼表姐佢地ｄ衫都冇用，呀butt淨係洗諾諾ｄ衫先用架！真係多謝晒，嘻嘻~~
因為表姐有客人，我地都不適宜久留，影左幾張相就走啦；因為落好大雨，表姐車我地去巴士總站，太陽哥哥就係葵芳等我同媽咪一齊食晚飯，我地去食譚仔記，食完媽咪就返屋企先，我就同太陽哥哥去starbucks傾下計，跟住就返屋企，咁就過左一日啦～～
沒有留言:
張貼留言