今日同大家介紹好神奇既七姐粉：
其實我都唔知點解叫七姐粉，呢三個字係盒上面我都搵唔到，只係太陽媽媽係咁叫。用黎做咩？聽聞幾十前年ｄ公公婆婆年代，女人會用黎拉面毛，整完塊面會又靚又滑，相信大家都聽過或者見過，只係我地未試過啫，哈哈！因為宜家有時係ｄ小巷，都會見到有ｄ婆婆擺檔做生意架！
但係佢仲有一個好勁既用途，相信大家都唔知，唔知唔出奇，因為我都係近來先知！就係用黎．．．抹銀器，可由已經變晒色抹到變返令立立！
其實係太陽媽媽聽我講，話我有ｄ耳環變晒色，跟住佢話佢有辦法，仲幫我整到變返好似新既一樣呢！
左邊對耳環係正常銀器既顏色，而右邊個兩對係已變色的耳環：
用七姐粉抹完後（左邊未抹，右邊已抹），分別可真大呢！
呢對就左邊已抹，右邊未抹：
全部抹完後：
比返之前的相大家睇做個對比，變身前：
變身後：
真係勁大分別，好似新既一樣，厲害厲害！
唔少得梗係要唔該晒太陽媽媽啦，佢幫我用手逐隻逐隻耳環抹架，抹到ｄ手指黑晒呢！邊有人咁得人疼錫架，好感動．．．哈哈！
沒有留言:
張貼留言