2009年4月12日 星期日

2009-04-12 (Sun) 青衣城又見諾諾


(1).gif



踏入復活節假期第三天,由於呢個假期係主耶穌賜比我地,所以我今朝跟左媽咪同威哥去左教會,不過跟上次一樣,都係唱詩歌個part我最喜歡,講道真係好悶呀!但今日多了一個分享+見證,呢part好好聽,亦好感動!係喎,其實大家有冇諗過點解復活節會有法定假期呢?定得做公眾假期,真係好有power先得喎,又唔見定您生日做公眾假期?仲有聖誕節呢!不過我唔係要挑戰任何人,只係係摸索階段,究竟係咪堅呢?


由於尋晚好夜返,今日都好攰,冇咩大節目,去完教會又返屋企訓過,訓醒等太陽哥哥放工問油油同訂床同櫃既價錢;之後同埋媽咪威哥一齊落青衣城食MOS burger!


我今次懶,唔寫邊個食d咩啦,您地自己對單啦,哈哈!



(1).gif



威哥又唔肯出鏡啦,我叫佢show手臂算啦!



(1).gif



食完行街,行行下表姐打黎,問我地係唔係青衣城呀?原來佢地剛去完迪士尼,又係係青衣城呀!我地就衝去搵佢地啦,最主要又見到諾諾啦!連續兩日都見到諾諾,真係開心呢!佢又肯跟住太陽哥哥行啦,好攪笑!


表姐仲可以一陣車埋我同太陽哥哥返大圍呢,勁正!咁我地就約兩個鐘後見...



(1).gif



跟住諗住同媽咪威哥去戲棚掃街架,即係小販檔,因為一年一度既大戲又做啦!點知一出青衣城見到落緊雨,四個人只得一把傘,去唔到呀!最後媽咪同威哥自己去啦,我同太陽哥哥就行下等表姐!


呢個彩色牆遠睇好靚呀,非常colourful,近睇原來係用一粒粒貼拼而成架,勁!



(1).gif



跟住太陽哥哥同我一齊影下相咁,呢個jumbo size扭蛋機我最鐘意!



呢個公仔我都幫諾諾影過,今次到我地自己影啦!



(1).gif



仲有呢個哨牙大白兔跳床,真係好巨大同吸引,一入青衣城就會望到,聽威哥講今日下午呀SA黎做簽名會添呢!



呢個哨牙look大家有冇印象呢?嘻嘻~~似乎真係患左影婚紗相後遺症呢!



(1).gif



跟住表姐車我地返去,我同諾諾坐,睇佢手上玩緊咩?係個O字呀!



(1).gif
 


沒有留言:

張貼留言