2009年4月10日 星期五

2009-04-10 (Fri) 與悠悠見面


今日係一連四天的復活節假期,schedule早已安排好晒,因為太多野要做,但總係太少時間;揀婚紗相係重要既一環,因為都影左十日了,其實影完第五日起可以去睇啦,但閒日都好忙,唯有安排係假期第一日去啦!不過因為要等太陽哥哥放工,都要五六點先去到,而今日下午中間既時間,我都非常善用,就係約左Didi同悠悠見面啦!


上次佢地返黎,只係比野悠悠見左兩分鐘;今次佢地返黎,終於可坐低傾下計見下面玩下啦!


剛訓醒的悠悠,仲係呆呆地;佢尋日打完針又抽血,好唔舒服,精神麻麻,真係陰功!




悠悠隻公仔係台灣好出名既兒童節目入面隻MOE MOE,佢好鐘意呢,去到邊都要帶住MOE MOE架!




開始生猛...




點解個個BB都咁鐘意玩我部電話架...



仲要玩到好投入呢~~




媽媽唔肯出鏡,唯有咁影啦,哈哈!



呀欣話坐另一邊咪得囉!



又係喎...再影過先!




跟住我同Didi去廁所,以為Didi只係放低個大背囊,點知連悠悠都放低埋,一野交左比呀欣就頭都唔回走左去,情景非常攪笑,哈哈!悠悠即喊都冇用...出到黎見佢眼泛淚光,但又冇喊緊,算係咁了!



不過一見到媽媽就喊了,兩隻牙仔都見到啦!




悠悠伸脷連環圖:




呢個就係Didi既大背囊,呀欣幫佢揹住先;一個女人仔要揹住BB,仲要揹住呢個十足大牛龜既背囊,真係好大力呀!我覺得似抱住個囡囡周圍去流浪咁呢,哈哈!




跟住我地一齊去機鐵站,Didi就等朋友下場,我就等Elsa同太陽哥哥一齊入珀麗灣!悠悠剛開始學行,咁大片空地我就叫悠悠行路比我地睇喇!



自己企係度,好叻喎~~



不過只係幾秒就跌低喇...哈哈!




跟住Didi的朋友一家到左,有個BB囝叫奧雲,唔係英文名黎架,係中文名呢,型!跟住兩個BB一齊玩下,但悠悠被奧雲踩到手指仔,即刻哇哇大哭,好陰功呀!




奧雲囝係一個開心BB,成日笑,我最鐘意佢係單眼皮,哈哈!



Elsa 黎到都同奧雲囝影返張呢,因為人人抱佢都跟唔會喊;反而悠悠可能打完針唔舒服,十分黐媽咪呢,媽咪一唔係度就喊了!




今日Didi仲帶左幫我係台灣買既書呢,今次終於買到啦!台灣會只係$50,慳左$23,按portion黎講,抵左好多呢!Yeah~~


今次見完Didi,下次見可能要一年後了,因為佢地下一站係荷蘭,七月會係台灣直接飛過去;而我請飲個餐,佢好大機會黎唔到,好失望呀啦...




沒有留言:

張貼留言