第二天的復活節假期，我地會全日係表姐屋企渡過，媽咪教表姐織冷衫，我就同諾諾玩，仲會午餐晚餐都係表姐屋企食，最攪笑係有個唔係我地家族既朋友仔都會黎，就係SaSa喇！因為我地要教諾諾叫Elsa，但雙音對諾諾太難喇，唯有呢日叫Elsa做SaSa啦，叫叫下，我反而覺得幾好聽呢？SaSa呵？嘻嘻~~
睇我地玩得幾開心，諾諾聽到音樂就會跳舞，佢仲識聽"轉"，叻仔！除左叻，佢仲好醒添，玩玩下都"瞄"到我兩次拍緊movie，跟住要走過黎睇呢！
SaSa同諾諾玩swing：
我的午餐非常豐富，淨係食丸都飽，平時冇工人服侍，咁難得，我梗係食晒ｄ．．．丸囉，哈哈！麵就真係食唔晒喇．．．
媽咪除左要教表姐織冷衫，仲有個任務係教表姐整豬肉乾！
大廚：
SaSa都要同大廚影返張！
SaSa仲好乖咁幫手，右下角隻手係佢架，佢幫媽咪拉住保鮮紙，等roll得方便ｄ！有SaSa係度真係好，因為呢ｄ野就變左唔洗我做囉，哈哈！Yeah～～
表姐負責落黑椒：
得左！落得好均勻喎！
入焗爐：
計時間：
焗＋ing：
中間要不停反轉同搽honey：
成形中：
攪掂啦～～
我地係廚房冇野做又周圍影相，今日先知原來櫥櫃有格係咁型呀，專放調味料！
因為工人係泰國人，所以今晚係食泰國菜呀，嘩，我既favourite，正呀！估下呢ｄ配菜係整咩餸呢？
呢個係木瓜絲沙律，媽咪好鐘意食既：
呢個一睇就知係泰式辣鳳爪啦：
呢個係冬蔭功既湯料：
睇下個廚房幾色彩繽紛！
諾諾訓醒食SaSa買黎既紙包蛋糕，特登另外買比諾諾少爺架！
似乎今日媽咪係最忙碌個個，跟住佢要跟工人學整木瓜絲沙律！
攪掂後佢好開心咁捧住衝出黎話：我整架我整架！
製成品，又好似幾似模似樣喎！
太陽哥哥放工後都黎埋食飯，諾諾都幾跟佢，起碼肯同佢一齊玩仲比佢抱，我都有ｄ出奇，咁少見應該好陌生架麻；但我知諾諾都好鐘意同表姐夫玩，所以我估諾諾應該鐘意同男仔／哥哥玩多ｄ，可能似爸爸有安全感掛？！
兩隻腳仔Q埋好得意呀！
呢個movie好攪笑架，我地同諾諾玩射籃球，咁岩我今日發現諾諾有個新玩具，係一個大既沙灘波波，我就拎埋黎比佢射，睇下佢見到個波穿唔過時有咩反應，點知．．．佢好驚咁行開呀，仲係散開咁向外"吞"，勁爆笑！大家記得留意佢個表情呀～～
我們的晚餐，最鐘意係個鹽燒雞翼好正，拍得住日本食肆，我食左好多隻！
其次冬蔭功都好好味，不過唔夠辣，但冇計，因為表姐同太陽哥哥都食唔到辣！
還有泰式鳳爪、咖哩南瓜牛肉：
沒有留言:
張貼留言