今晚跟太陽哥哥去左Demo婚宴，雖然係Demo，但一ｄ都唔馬虎，登晒報紙呢！
商場入面設有專用電梯區比呢間酒樓，入面有兩部電梯係only間酒樓專用，成個商場其他酒樓都冇，又真係幾威咁喎！
今日亦係酒樓的開幕酒會，所有高層都係度，仲有晒攝製隊拍宣傳片呢！個場新裝修，聽日先正式營業，當然好新好靚，仿教堂設計感覺亦好浪漫，但兩條大柱同閣樓下面的部份樓底實在好低呀．．．其次係個檯好細．．．
雲石樓梯行上去就係閣樓地區：
今晚當然食野都好緊要啦，話就話Demo婚宴，但同去飲並無分別架；不過咁多陌生人係度，唔方面影ｄ餸，好異相架麻！
普通的一道炸蟹拑，酒樓也好講究它的賣相，撇除我鐘唔鐘意食蟹拑，呢下都幾 impressed到我；我亦第一次見到婚宴用心型做的甜品，我覺得好特別呢！
紀念品係一對兩支紅酒，紅酒我就冇興趣啦，但覺得個袋設計好特別同得意呀！
沒有留言:
張貼留言