2008年9月8日 星期一

2008-09-08 (Mon) 半島酒店奶黃月餅


半島酒店既奶黃月餅,係我近幾年必買既月餅之選;今年買左三盒,尋日太陽哥哥陪我去拎左啦!尋日好慘呢,拎住三盒月餅,由尖沙咀去到旺角,行行行...好重好攰呀!




點解咁鐘意食?可能我本身鐘意食奶黃包啦,所以對奶黃食品情有獨中,好似奶黃糯米糍咁;至於奶黃月餅,以我所知,都有好幾間酒店有,就好似九龍酒店都有,但食過後,都係覺得半島酒店的最好味,其實個奶黃饀度度都差唔多,係個皮好唔同,半島奶黃月餅既皮,並唔係傳統月餅咁肥淋淋個種皮,而係好似酥皮既皮咁,一d都唔油唔膩,好易入口,所以我就咁鐘意喇!




不過,半島奶黃月餅一d都唔平,正價要成二百幾蚊先有一盒,仲要得八個細細粒,兩啖就食完架啦,為係成三十蚊一個!前兩年都多得朋友幫手,買到國泰員工兼會員價,但今年搵唔到朋友攞到咁平了!正當係失望之際,又係sa sa出動既時候,佢搵到窿路呀,仲好好人幫埋我地去交收埋!


真係全靠sa sa,我今年先食到咋!




沒有留言:

張貼留言