2007年10月28日 星期日

2007-10-28 (Sun) 大鵬灣拜山

今日我地返深圳大鵬灣拜山,好多年冇去了,近年都係去大嶼山觀音廟,但個度只有公公的靈位,而公公婆婆都係一齊葬係大鵬灣的,今次媽咪就建議返大鵬灣!醒目既我,搵左ben幫我book上次去沙井玩高卡車的七人van,咁我地就唔洗咁辛苦長途跋涉啦!

我地分別出發,約左係上水廣場集合,先係椰林閣食早餐!



之後十二點係深圳上車,車程大概四十五分鐘就到大鵬灣;呢度真係山明水秀,水平線好長好長,香港一定搵唔到,拍得住外國個d,威哥話中國地大脈搏,版圖咁大,水平線當然好長啦,真係好靚好舒服!



我地去到冇耐,有兩個大陸人走過黎問要唔要幫我地掃下d草、剪下d樹枝,我地個墓地根本好乾淨,唔需要,就話唔要啦;唔到五分鐘,又有另外兩個人走埋黎,問埋同一樣野,我地話唔洗啦,唔要啦,佢地仲係咁講係咁講...最"興"係佢地唔理我地講,走埋去係咁掃係咁抺,真係好大膽同乞人憎!!我地諗住唔理佢地,因為只係佢地堅持,唔慣我地事;但我地係好心的香港人,相信佢地亦知道我地呢個弱點,最終被佢地成功了;因為媽咪話:唉,算啦,又唔係成日黎,驚唔比錢唔知佢地會唔會攪個墓...我話:下,先人黎喎,唔係咁大膽呀?但琪琪同太陽哥哥都一致話大陸人,咩都做得出!細妹話仲見過d大陸人係人地掃完墓離開後,拎走d鮮花然後係路口賣!下,咁都得?唔驚比先人...唉,大陸人真係離譜!佢地掃掃下,又一個阿嬸走埋黎,自己係度剪草,有冇攪錯呀?咁都得?!早前個兩個掃完,就坐埋一邊係度食煙,等收錢...我地就比左三十蚊打發左佢地...唉!


跟住我地開餐,食燒肉同雞,逗留左大概一個鐘,影左少少相,同公公婆婆講聲再見就走啦!



返到東門周圍逛下,好多人呀!仲見到有人briefing,"to be no.1",咁有teamwork,大陸人都會有既咩?


晚飯去左"毛家飯店",媽咪聽我地講就食得多,佢未去過,我地今次就特登帶佢黎試下!唔少得梗係影返輯靚相同溫馨全家幅啦!





叫埋咁多餸,埋單先係$284,好抵呀!香港起碼四五舊水啦!



之後帶媽咪去左個大型超級市場,每次去完"毛家飯店",細妹都會係度掃貨架!我只係揀左好鐘意食的糯米糍咋!



跟住啟程返香港,係上水同媽咪say goodbye後,我地就返大圍;去到沙田,太陽哥哥好醒咁記得我想去citysuper買野,我地就拿拿林落車!去到仲未close,好野!就係呢塊鏡啦,一開三,知唔知點解?向前望就好似普通鐘咁,照正面;但向上望時,下鏡就會反射下眼睛;向下望時,上鏡就會反射上眼睛,好神奇好好用架!多謝太陽哥哥!



見到個好得意的雪糕cushion,lam lam 脷!嘻嘻~~



沒有留言:

張貼留言