2007年10月19日 星期五

2007-10-19 (Fri) 有意義 & very full 的一天

今日一早就計劃做d好有意義既事,就係將之前太陽哥哥係屋企多餘的公仔,送去比路德姨姨間幼稚園!太陽哥哥屋企真係超多m記公仔,一兩套我都覺得可以接受,但五套個d就...真係誇左d喎baby...嘻嘻~~


幾星期前大掃除,除了留了d真係好鐘意個既公仔外,其餘都放棄了,原本諗住比晒太陽哥哥隔屋個婆婆,但咁新,我靈機一觸,就打比媽咪問下路德姨姨間幼稚園會唔會要,點知係無任歡迎,因為可以比小朋友做聖誕禮物!我覺得好有意義呀!最衰已經丟左一round,唔係就仲多!



幼稚園係長沙灣個頭,送完公仔後我地就去左譚仔記第一間的雲南米線食野!



食完係門口見到個奇景,似拍戲,又似岩岩發生劫案?因為有架幾型幾大架的白色電單車停正係馬路中心,但個司機又唔知去左邊喎,d警察又行黎行去...大家認為呢?



之後返青衣城買新相機,睇左好耐了...去台灣前已睇,睇睇睇,睇到細妹都買左,借埋佢個部去台灣,最終...攪笑地,買埋細妹個部!好多人都話我地傻,一個屋企有兩部同model的相機,但實在太好用同影得真係幾靚,加上係太陽哥哥都會用麻!其實之前我想要sony t100的,但相質真係差d,加上今次係太陽哥哥決定,況且我一向有選擇恐懼症,咁就交比佢啦!想知係咩樣,可睇我細妹的綱頁:http://hk.myblog.yahoo.com/maggie-kkc/article?mid=1674,為免撞機,我地個部的鏡頭外圈係全黑色,細妹就係銀色!Thanks太陽哥哥!


之後出旺角行街同等睇"兄弟",華仔喎!行街時,終於試到elsa推介的happylemon的'"烤珍珠奶茶",真係排晒長龍喎,但太陽哥哥梗係會幫我排啦,嘻嘻~~排隊時發覺有張"sunny everyday,lemon everyday"的poster,幾攪笑!我覺得d珍珠有dd苦,都有陣茶味,我對茶味麻麻地,所以都係覺得一般咋!



夠鐘睇戲喇,但好唔開心趕唔切,miss左開段;跟住發覺華仔唔係會死咩?但冇死到喎...但太陽哥哥同細妹一口咬定之前預告片係死的,我就真係無咩印象,傾傾下,我就大叫,我諗係我地miss左個ending!因為上字幕時,個個起身走,我好sure當時自己都講左句:咁黑,睇唔到有冇漏低野呀!當時戲院係冇開燈的...!!唔係麻,上次"c+偵探"都受到教訓,點解今次冇人留意到架!激死呀!但上綱又冇人話字幕後仲有野睇喎,究竟係點架...開頭同ending都miss左,係咪應該睇多次呢?



之後去左茶餐廳食野~~



沒有留言:

張貼留言