澳門慶棉布婚之旅 Day 2
～～～～～～～～～～～～～～～～～～～～～～～～～～～～～～～～～～～
Check-out後酒店牌留影，好唔捨得間靚房呀，都好似冇咩享用過咁呀！
乘酒店專車往新麗華，再步行至議事亭附近；
午餐＠營地街市熟食中心 ：議事亭營地街
梓記牛什的牛什菜($30)：
勝記咖啡冇開．．．
平記炒麵的干炒牛河($23)＋瓦煲奶茶($9)：
杯奶茶都幾難飲，係強記再買另一杯試($8)，結果都係差唔多，好少少．．．
議事亭之玫瑰堂：
幅畫好靚呀，大師級一樣！
超大豬扒包，歡迎影相架！
大三巴：
大三巴前黃色個幢係澳門創意館，第一次黎！
大三巴下面有條鮮為人知的戀愛巷，多得任美設計行程先知！
好colourful 的屋仔襯托住另一角度的大三巴牌坊：
路人影相影到我地太細了！
經過手信街又買葡撻食($7)：
下午茶＠添發碗仔翅美食 ：新馬路福隆新街18號地下 (1 pm - 11 pm)
招牌花膠海參煲仔翅($55x2)：
多料又好味，要比滿分，正呀！
新馬路之文化會館：
太陽哥哥受同事所託，要去來來超市買好好味的蝦片，可惜．．．買唔到！只係一間細超市，我地只係拎住包鉅記薑糖，都要鎖 locker！
我地見無咩做，諗住提早去六記食晚飯，睇地圖都幾遠，步行約二三十分鐘，就慢慢散步咁行去；途經聖安多尼教堂：
白鴿巢公園：
去到六記粥麵．．．六點半先開喎，OMG！再看任美的行程，係有寫架，oh no．．．擅改行程，又唔睇清楚，受到教訓！
咁點好呢？我地八點半船，六點半先食，七點半應該趕唔切返到酒店拎行李再排隊搭車去碼頭喎．．．宜家先五點未夠，呢度好死寂，係度等個半鐘冇可能啦！最後決定，過對面馬路搭巴士回新麗華，先搭酒店專車回酒店拎行李，係酒店入面包括Casino行下，之後再出返黎食過，跟住係度直接搭車去碼頭！
估唔到有機會搭巴士：
白天下的Macau Tower、Galaxy Hotel、威尼斯人酒店！
六點半再返黎，晚飯＠六記粥麵：沙梨頭仁慕巷1號D地下(29號碼頭對面)
雲吞麵($21)：
豬骨粥($20)：
炸鴛鴦 [米通鯪魚球/炸雲吞] ($39)：
蒜蓉生菜($30)：
坐車到碼頭時，沿途欣賞五光十色的新酒店／賭場／水立方；不過相機電池已用完，只能用 iPhone影，加上巴士又郁緊，所以影得好差呀！
兩日一夜澳門慶棉布婚之旅就此劃上句號，今次真的要特別鳴謝任美幫我地設計行程，我地兩個完全唔熟澳門，但都夠膽死咩地圖都冇帶，只係拎住任美的一頁A4紙行程走勻澳門，好大膽呢，不過只因有任美的貓紙令我地好放心吧！
一路玩一路睇住行程就知任美係非常細心，有埋食店的營業時間＋推介美食，呢樣真係超正呀！行程亦好順暢，我地都好舒服自在咁享受呢次旅程，多謝妳！
不過兩日真係過得太快太少，點能滿足貪心的我，期待十月尾澳洲之旅！Yeah Yeah～～
沒有留言:
張貼留言