今日太陽哥哥楂車半日，下午同我一齊去土瓜灣工聯會上堂；一點半食左麥記，放學回青衣後食下午茶，晚飯實食唔落．．．於是去街市買少少海鮮食就算！
揀左蝦同小扇貝～～
小扇貝超污糟，因為多人，魚佬冇時間幫我地拆，佢就教太陽哥哥點開殼及切腸；返到屋企我地分工合作，太陽哥哥負責點開殼＋切腸，我負責洗；一路做時，太陽哥哥話好臭好腥呀，我就反而覺得好香好海水味，好似生蠔陣味咁！哈哈～～
清潔前後真係好大分別：
洗到我ｄ手指皺晒皮：
自己捽蒜頭：
鋪上蒜蓉及粉絲，粉絲一圈圈咁捲住放上去，花左好多時間呢！
事後先發覺切"崩"左指甲～～
去雪櫃拎蝦時，發覺有隻蝦跳左出碗外，雪住都咁新鮮，勁！
兩款點蝦醬油：麻油＋豉油／辣椒＋豉油。
是晚連飯都冇煲，只係食呢兩碟餸已夠飽了！
沒有留言:
張貼留言