2011-09-05 (Mon) 頸痛換來兩天病假

今朝起床個下．．．嘩，條頸好痛！其實陰陰痛左兩天架啦，但以為訓矮頸，過兩日冇事，加上又唔係勁痛個隻；點知今朝起身唔對路，但慢慢又拎到個頭，見無事照返工；點知上到車又再痛過，仲有陣痛出現，即係隔一陣就"腰"住痛幾秒！

返到大學即刻去clinic，仲call平時睇開我的醫生幫我攝位睇；經醫生成條頸同背脊幫我搵出痛既地方後，唔係訓矮頸，係肌肉＋筋發炎，係長時間勞損而發出黎；醫生係痛個兩個位置幫我按左一陣，叫我忍住痛，但我痛到流晒眼淚．．．跟住比左兩天病假，臥床休息。