前排巾幗 hit 爆全城，四奶奶亦深入民心，大家都記得佢有抽大鎖匙啦，柴九哥仲話呢抽大鎖匙係一個大枷鎖添！
四奶奶有個大枷鎖，我都有呀！近日發覺手袋越來越重．．．細想下就記得呢排添置左好多條鎖匙，多到呢．．．我已經細心篩選過，發覺條條都唔可以拎走架！
左邊係屋企大門加信箱鎖匙，右邊係公司大門加櫃桶匙：
最近新加係呢四條，左邊係對面屋大門加鐵閘(我已經放棄左條信箱匙架啦!!)，右邊係太陽哥哥屋企大門加鐵閘的鎖匙：
呢兩條係ＰＴ匙，負責鎖門，冇得唔要！
您地話我每日揹住呢個大枷鎖，係咪好辛苦丫？鬼叫自己地頭多咩．．．唉～～～哈哈～～～
沒有留言:
張貼留言