豪哥係我呢兩年黎既大半個上司，佢一路都對我地都照顧有加，好好人，唔苛刻下屬，亦冇落一ｄ無理要求，對我地既工作表現亦寫得好好，間唔中會請我地食飯，又會做下review傾下計．．．總之我覺得佢真係一位好上司，會真心了解下屬同埋希望跟下屬保持住良好的溝通關係！
可惜佢另有高就，要離開了．．．除左不捨，亦有擔心，因為變相即係我要面對新上司，好驚個人唔知係咩人．．．近來公司的請人進度非常奇怪，令我好擔心宜家ｄ人既質素呀！
上星期係豪哥last day，我地一班同事跟佢farewell同送上禮物！仲有呀，佢知我過幾個月結婚，勁有心咁話到時預埋佢，咁喜慶日子喎，佢一定會到！我聽到真係好窩心架，講真，有ｄ人都離開間公司啦，之後ｄ同事結婚關佢咩事喎，黎乜鬼丫，仲要晒錢，睬您都傻啦；但豪哥完全唔係咁既人，令我好感動，所以我真係好感激佢呢！
因為真係覺得豪哥係一位好上司，我想另外再買份禮物以表我對佢的謝意；其實應該前個假日去買架，但買唔切，唯有剛過去的假日先買到，但佢已經走左，唯有寄去佢個新office啦！希望佢係新崗位事事順利，同埋祝佢工作愉快啦！
咁我都好錫宜家的上司既，知佢鍾意桃味產品，買了一罐DyDo桃味果汁送比佢！
沒有留言:
張貼留言