今日約左michele同sherry一齊去探sharon，其實係因為前排sharon好nice咁執左ｄ結婚野比我，叫我得閒去睇下岩唔岩用；加上佢剛好搬完屋，就造就左今日既探訪活動！
我地相約係Elements，先去Three Sixty度買ｄ生果先！
好少見到橙椒，有齊紅橙黃綠椒，上次見到的時候應該係多年前的澳洲呢！
好得意的cheese，好適合比小朋友食呢！
sherry好賢淑媽媽feel咁揀緊生果：
最後買左日本蜜瓜、金奇異果、藍苺、大蘋果！
跟住我地向豪宅進發．．．
守衛見我地按左號碼後，要求我地同屋主對答，好嚴謹．．．
好靚的大堂：
特別的按lift系統，按左的層數會係lift頂顯示：
黎到啦！兩個媽媽一見到就互摸對方．．．個肚！
第一次見肥嘟嘟既Alyssa，Alyssa好鐘意笑，個樣好cute好sweet，好似日本ＢＢ呀！
Alyssa的肥豬脾，佢細諾諾一個月多ｄ咋，我覺得如果佢地兩個一齊玩，應該幾開心呢！
Alyssa的體操好勁呀！好偶然咁捕捉到呢個shot，勁呀(我)！
原來Alyssa好鐘意食糖(我手上拎住個款)，sharon教我地只要拎住個糖，叫Alyssa做咩佢都做架，勁攪笑！我地就利用個糖，叫Alyssa錫我地，果然湊效，錫足晒咁多位！哈哈～～
我地周圍參觀期間，Alyssa好八怪咁跟住我地，拎住支奶樽周圍走，得閒又飲兩啖咁，得閒又扭下媽咪，好攪鬼！
呢個Ｑ腳甫士，又係咁岩影到，勁呀(我)！
我覺得Alyssa好似張栢芝套"忘不了"入面個日本童星"原島大地"呀！
廳既地下舖左好多ＡＢＣ軟墊，係咪每個有小朋友既家庭，都會keep住每刻每秒都係學習中成長既理念呢？
廳露台個view好正架．．．
左邊係西隧入口：
右邊好多船，坐係度攪海真係好舒服呢！
飲完奶奶Alyssa仲唔想訓，可能我地太受歡迎啦！既然佢咁鍾意同我地玩，我地又利用個糖糖要佢企定定同我地影相！
Alyssa好勁，一腳就可爬上soft度，跟住好似明星上左個stage咁，擺好多甫士引我地，好鬼可愛！
我呢個小影迷偷到機會，埋到身影左張合照，剛巧Alyssa呢個甫士好得意呢！
Alyssa同Sharon的親密照，Alyssa想食媽媽口中的糖，Sharon好sweet咁餵佢，剛巧又被我捕捉到！
拍左幾個Alyssa的短片，同大家分享下，佢識好多野呢！先係答國言問的問題：您乖不乖？您美不美？愛不愛媽媽？愛不愛爸爸？答得攪笑＋得意！
Alyssa都識好多字／指令，好似 table、chair、book(我好鍾意佢兩隻手仔做reading a book)、knock the door、brush your teeth、wash your hand、dangerous、dirty、boat．．．
跟住就展開今日此行目的，原來Sharon執左既結婚野，係包括兩件佢結婚時的晚裝！其實都幾靚架，仲有晒首飾添，只可惜我有ｄ顧忌，一來係佢既私伙啦，二來我又真係join左package，如果我要著呢兩件，我到時要拎去熨、改、洗、改返原碼，我唔知個cost大唔大呀？三來我怕著住時好擔心會整爛人地件咁有紀念價值既衫呀！
比起我之前揀個ｄ，其實大家又點睇呢？如果真係覺得靚就比ｄ意見我，等我諗諗點安排啦！
最後我地影相留念，真係好多謝Sharon咁有心，辛苦佢執左咁多野出黎被我試，但最後我只係拎左把紅色出門遮，其他野都冇拎到，好似晒左佢心機咁呢，有ｄ唔好意思；不過我真係想岩用先拎呀，唔想係又拎唔係又拎，就算ｄ衫唔岩用，我諗ｄ首飾或者tie都應該幾岩用呢！
臨走時發現Alyssa的專有鞋架，有好多鞋仔呢！
我最鍾意呢兩對：
分局有nike同adidas的波鞋仔：
之後我地落返商場食下午茶，揀左wildfire：
呢度環境又靜又舒適，唔錯！
我地叫左個二人tea set加魷魚鬚：
個high tea set真係好吸引呀！
沒有留言:
張貼留言