尋日出席太陽哥哥舊同事飯局，主要目的係慶祝美極生日；我地設宴於香港老飯店，個名好勁咁，我都係第一次光顧！
我地有十個人，一於決定叫個六人超值餐再加野！
由於Kim同Kim嫂遲到(Kim竟然唔記得約左我地食飯, 勁攪笑!!)，我地叫左少少野食住等，分別係麻油素雞湯＆鴨舌頭！
等齊人就上菜啦，呢個係六人餐的餐前三小冷：海蜇皮、醉豬手、冬菇烤麩，三樣都好好味呀！
跟住到主菜，有芙蓉炒蝦仁：
雪菜鮮魚球：
四川樟茶鴨：
蛋餃時蔬：
火腿冬瓜湯：
菜肉蒸餃：
甜品有高麗豆沙：
另外加了嫩雞煨麵、梅窩肉、生煎包：
呢餐好好味，我係麻麻地個魚球啫，食到好飽好滿足！
太陽哥哥upload晒我地ｄ結婚相係佢部 i-phone啦，今日比晒佢ｄ朋友睇，大家都話我地影得好開心同笑得好襯呢，真開心！
有三位朋友今日係第一次見，佢地話我個樣好斯文，仲問我係咪教書添！哈哈～～
最後唔少得影大合照啦，太陽哥哥爆左我成日影相係因為要寫blog，佢地就講笑話：影大合照都得，不過您要share您個blog比我地，唔係咪淨係您有我地ｄ野，我又冇您ｄ野咁！太陽哥哥問我介唔介意比佢地，我就話．．．一係交換丫！佢地就答：我地冇喎，一係今晚返去開個比您喇，不過"吉"既之麻！哈哈～～～～笑死我！
沒有留言:
張貼留言