2009年6月12日 星期五

2009-06-12 (Fri) 扒王之王 & 靚靚dale 筆


呢排好鐘意据扒,所以今日同太陽哥哥行完街後就去左扒王之王据扒!




其實最抵食真係上次同朋友食個龍蝦拼牛扒餐架,但我想試新野,叫左款個名好得意既"bow tie 牛",份量都幾足;太陽哥哥就叫左"穀飼牛",但佢個個份量就太細了;而呢兩款扒都貴過龍蝦拼牛扒餐,雖然其中一個跟個焗田螺薯蓉,但都係龍蝦拼牛扒餐抵食好多!




Happy Friday梗係要行下街,今日都有少少收穫,就係呢支dale既原子筆!其實呢款識彈個身出黎既筆,兩年幾前係日本已見過,但當時係stitch,冇興趣;之後都陸續見到有唔同卡通人物出左,包括 hello kitty...等左咁耐,終於等到chip n dale啦!




不過價錢都幾貴,最貴見到信和$128,最後係潮流特區見到$95,太陽哥哥就扑鎚啦,可能佢行到頂唔順掛!哈哈~~ 所以只係諗住買一支,一向較鐘意淺色的dale,就買左dale喇!唉~如果有人買埋chip比我就好啦!嘻嘻~~


係信和我仲見過假野,只係四十蚊就有交易,大家唔好比人厄呀,因為個個款真係好假好樣衰架!




太陽哥哥都有少少收穫,潮流特區新開的舖頭,見dpattern幾靚就買左!




沒有留言:

張貼留言