2008年8月10日 星期日

2008-08-10 (Sun) shopping 收穫


宜家周圍都大減價,我亦多添了幾件新衣,好開心呀!因為近月來努力儲錢,都好耐冇shopping了!


黃色個件係太陽哥哥送架,嘻嘻~~ 當時仲睇中左藍色個款,但間舖頭冇新,要百德新街先有;正所謂在家靠父母,出外靠朋友,何況我有一個無論發生咩事都鞠躬盡瘁咁幫我既好姊妹,咪唯有拜託佢幫我拎囉!個個咪...SA姨囉!哈哈!


跟住個日同媽咪行街,您知啦,間間舖頭d款有時都唔同架麻,我同媽咪又一人睇中一件,亦有新喎;但好衰既我,叫個sales幫我check下百德新街間舖係咪都有新先,因為如果買三件,第三件係半價呀!我勁唔好意思,明明有新又唔要,仲要人check第二間舖有冇新,嘻嘻~~ 點知又有喎,咪一次過麻煩SA姨幫我買晒咪攪掂囉!


SA姨幫我拎左幾日架啦,放左係part-time度,我星期四返工先攞返,當時就咁打開個袋望下就算,到尋日諗住拎出黎放入衣櫃時...噢!藍色個件點解係背心黎既??我要既係短袖架,個袖口有隻蝴蝶結好得意架...背心我唔想要呀,何況我第一次已睇中短袖款,係冇新先check到百德新街有咋麻...



 

但我連單都丟埋,仲隔左咁多日,點好呢?打定輸數...但SA姨叫我咩都唔好理,打左去問先...


我就打去百德新街講返個情況啦,當然好有禮貌同好緊張咁講,其實舖頭本身都有責任既,留錯貨或者講錯code...但我連張單都冇埋,我咪話朋友幫我買完就去左旅行,加上碌咭張正單通常都會比本人keep...不過我好helpful咁同佢地講到張單邊日同幾點碌,仲有咭主個全名,叫佢地搵返張底單...點知,真係攪掂左呀,仲要係仲有新呢!宜家減價期間貨品只會keep一日,但我weekend都唔過海,佢地話見我呢個係special case,好好咁肯幫我keep到星期二,咁我個日返part-time就可以去拎埋啦!嘩,太好了!


失而復得的感覺多好...好開心,yeah!所以話呢,未到最後一刻都唔好打定輸數,肯行一步,可能就會有意想不到既回報!



另外,還有太陽哥哥送給我的新耳環,也很喜歡呢!




沒有留言:

張貼留言