2008-08-03 (Sun) 長頸鹿耳環 & 盜墓迷城 3

呢款長頸鹿耳環，其實已經係街度見過人戴起碼兩次，第一眼見到就已經好鐘意，貪佢夠colourful又cute，係我鐘意的style！但一路冇眼緣係咩舖頭見到，直至上星期五係長洲，比我見到，可惜當時只得一隻，我都把它買下！

今日係女人街，竟然比我見到．．．好多！冇諗過係女人街會有呢，仲要係好多款顏色；另外款波板糖都好鬼得意呢！買咁多耳環做咩呀，其實音符個對諗住送比yammy既，而白色長頸鹿就諗住送比elsa既；因為波板糖係白色主色，長頸鹿我就揀對黑色主色啦，更何況，我已有"一隻"白色了，哈哈！

希望佢地會鐘意，唔會嫌女人街貨色覺得cheap cheap啦！

另外，尋日睇左"盜墓迷城 3"了，麻麻地，定係我太攰呢？因為要探悠悠，所以早左起身陪媽咪食野，而太陽哥哥又楂左成日車，頭三十分鐘我地都訓著左呢！