2008年8月9日 星期六

2008-08-09 (Sat) 奧運馬術紀念郵票


今日發售奧運馬術紀念郵票,我幾星期時已經諗住買,因為想買定d特別郵票寄今年的聖誕咭;最傷心係之前原來出過超勁靚的夜光水母郵票,但我七月頭去郵政局問時原來係六月出架啦,連七一熊貓郵票都過埋,仲有隻摺紙樂都幾靚架,可惜已經全部售罄!



 



當時知道今日會出奧運馬術郵票,就決定要買啦,講真,我又唔覺得好靚,但又唔知黎緊個d係咩款,宜家都八月了,加上話晒奧運,都好有紀念價值丫,所以買定黎傍身都好!






由於同奧運有關,我好驚d人好似排奧運鈔票咁,好早就黎晒,不過我又唔係買首日封個d,只係買郵票啫,所以八點八就黎到;諗住九點開,排廿分鐘,點知...原來係九點半先開!oh no!



當時只得幾個人,冇理由企四十五鐘啫,就去左麥記食早餐!平時冇機會食到早晨全餐,今日自己一個靜靜享受,有好多回憶...另一番滋味!




偷拍下d人生百態先:睇得出婆婆好錫個孫仔,老伯伯就好蒼桑...


生老病死...其實人生係d咩呢?我既人生又係應該點呢?





九點半返到去,嘩,多左好多人,我諗我排廿幾;唔夠十分鐘咋,就聽到話冇晒首日封同套摺,雖然我冇諗住買,但聽到都有d質疑,有冇賣得咁快呀?!亦見到排緊隊的人好失望呢!到我時,買了計劃好的30個$1.4同 5 個$3郵票,除此之外,亦趁熱鬧學人買了兩封小全張,哈哈!






沒有留言:

張貼留言