今日係太陽哥哥公司的Annual Party，係九龍灣展貿的EMAX Bowling Centre舉行，當中除左有保齡球比賽，仲有卡拉OK歌唱比賽同扮野大賽，咩係扮野大賽？就係造型最似的一個大獎，因為今次活動的主題係警察&賊，亦即係，入場的人士，身上一定要有警察or賊既裝扮！呢個活動可攜眷／帶屋企人出席，所以我都有份，有ｄ人仲帶埋媽咪呢！
我呢ｄ卒仔，開頭聽到都好驚，唔係咁想去，又唔係同平時ｄ fd，怕羞麻；係後來太陽哥哥打聽到隨意都得，唔係為攞獎就唔洗裝扮得咁認真同激，咁我就一切交晒比佢預備喇！
放工join埋太陽哥哥公司的旅遊巴出發；當步近旅遊巴時，有兩個外籍security楂晒棍吹晒BB，叫我行快ｄ，原來唔係security，佢地係太陽哥哥公司兩個鬼佬老闆！一上車，嘩，有一撮人真係為左呢個party悉心打扮呀，當中以呢四位女士最搶鏡啦，佢地仲好鬼sexy，腳度箍晒黑色"橡筋"用黎攝刀攝槍，勁！
我地個場呀，原來今晚係kary第一場演唱會，所以九展呢度好多人呢！
太陽哥哥的design同事雖未係裝扮上揼本，但睇最左邊個位，用平時著開的服飾，原來已好似呢，加埋佢"pet"袋等攪笑動作，我真係覺得好神似呀，我仲聯想到佢打完劫坐大飛著草呢！
我似唔似便衣madam呢？講真唔太似，係個pass似ｄ！睇落又有ｄ似臥底咁，似乎同佢地似同黨多ｄ喎，哈哈！
跟police合照，男plice套衫要五百大元先買到架；高層有錢就話姐，我地搵得雞碎咁多，買返黎著一次都唔點pet係邊lu！
當然唔少得同太陽哥哥黎張合照先啦！
過左一陣，sexy 4仲換上彩色假髮，更加sexy再sexy！
過左一陣，城城＋哥哥出現！好wild呢~~
碌齡比賽亦展開，由於隊伍係抽籤形式組成，仲係五個人一個game，所以就算我時點勁，都冇用啦，even您呢球全中or補中，下一球都唔係您打返，所以我地team B只係win左第一round入左2nd round，但就無緣入final，不過唔緊要啦，旨在參與麻！
交換禮物時間，我今日有兩個名：Mrs. Sunny & Sunny's girlfriend！^^
最後扮野大賽得獎者係城城＋哥哥；而歌唱比賽得獎者係大飛哥哥！影返張有頭有面相後，我地四小時既party就圓滿結束啦！
掛住玩冇咩食野，返到去要買車仔麵醫肚呢！
今日雖然同ｄ唔熟的朋友第一次出黎玩，但都玩得好開心，好多野睇，又好好笑，太陽哥哥的幾位design同事又好nice好funny！最開心係重遊舊地，因為大家記得的話，呢個場我係上年三月參加有線電視節目黎過架啦，仲曾經攞過獎，片段亦剪輯完上過電視添！重溫綱址：http://hk.myblog.yahoo.com/aquarius-givens/article?mid=473
沒有留言:
張貼留言