2008年1月20日 星期日

2008-01-20 (Sun) 北海道東京九天之旅 - 第一天


DAY 1 - 香港~東京~北海道札幌~拉麵街


日本九天之旅今日展開,我地會橫誇北海道&東京,參加左東瀛遊的七天團,再stay behind兩日;其實東京我已經第三次踏足,新鮮感不大,主要係買野;但北海道係我同太陽哥哥同victor & gigi都未去過,今次的四人行,相信會非常新鮮同好玩,加上大家都係第一次去,實會好難忘姐!


好開心我地係早機去晚機返,但唔開心係唔係直航機到北海道,所以第一日將會花好多時間係搭飛機度...我地朝早八點幾到達機場,先捧住個團牌影返張合照先!



check-in後係禁區入面嘆返個burger king早餐,gigi請客,佢話要慰勞我地呢個旅程要咁遷就佢喎,多謝gigi!



我仲同味千妹妹拍照留念呢!



我地乘坐 JL736 1035/1525 航機,飛機餐相當豐富同精美!大家見我塊面係咪紅卜卜呢?因為派餐飲時我揀左梅酒,我平時幾鐘意食青色個d酸梅子,我估梅酒應該係咁上下味就揀黎試下啦,飲落冇咩酒精味,點知...好快就酒精上腦,好在冇係機上醉酒鬧事咋!哈哈!


由於遲左起飛,日本人效率又超慢,過移民局攪左好耐,等到有d炆呢;我地以為係同一機場轉內陸機,點知要去第二個機場,車程仲要一個鐘,唉...又要拎行李,又要再check-in多次,咁煩架...日本快香港一個鐘,出到黎都接近六點了!

到達內陸機機場後,我地再乘坐 JL545 1935/2110 航班,攪掂晒入禁區後,導遊建議我地食d野,因去到札幌時會好夜了,我地就揀左呢間拉麵食〔570円〕!


到左札幌啦,已經夜晚九點半啦...



即刻去左今日第一個,亦係最後一個的行程 - 拉麵街,成條街都係拉麵舖頭,導遊建議左兩三間比我地,因為所有人都好肚餓,即刻都係呢三間做出選擇!



我地揀左呢間~~



拉麵伯伯好勁,店裡得佢一個人,單人匹馬煮十三碗麵,大家都係度影佢相!以下每張相都係一個步驟,唔知大家睇得清唔清楚呢?可唔可以順序列返煮拉麵既步驟出黎呢?嘻嘻~~



十三碗拉麵大功告成,睇住由無變到有,都幾amazing架!



餃子〔400円〕、粟米牛油拉麵〔900円〕、叉燒拉麵〔700円〕;但呢餐travel agent會退返每人1500円比我地,有賺呢!嘻嘻~~



拉麵伯伯好識做生意,幫我地所有人一pair pair咁影相,仲叫我地夾起d麵擺pose影呢!



一食完拉麵出黎,外面原來已經落緊雪啦,我未試過親身體驗咁大雪架;最勁個次都係中學時屋企去韓國旅行,落過好細粒的雪粉/雪花既物體,所以呢場雪,算係我人生入面既first snow呢!



雪越落越大,同一個上落車位,一個係落車食麵時,一個係食完後上車,好大對比呀!







到達酒店,初次接觸咁大雪既我,對所有野都好好奇,包括腳印...哈哈!



每次去旅行,第一晚返酒店的慣性動作就係去便利店,我都唔例外,唔知大家會唔會呢?呢個係便利店門外的花叢,已積滿雪啦!



導遊介紹左三種香港冇得買的合味道杯麵既味道比我地,分別係milk seafood、cheese curry、chili tomato,係呢度搵到其中一款,當然即買啦〔150円〕,加上導遊話milk seafood好似食緊d好creamy既意粉咁,嘩,簡直係我 favourite!



好大雪呀,頂唔順啦,攪左成日,要返酒店休息了!




沒有留言:

張貼留言