2008-01-23 (Wed) 北海道東京九天之旅 - 第四天 (下)

晚飯我地食神戶牛柳同鮑魚，呢個係餐廳門口~~

一入到去就見到一張長檯，一邊係神戶牛柳／牛扒，一邊係鮑魚！

呢餐幾特別，廚師會係我地面前親手煮鮑魚我地食架！

嘩，好壯觀呀！

鮑魚好新鮮，識郁架！！

開始煮了，鮑魚一放係爐上面，郁得仲勁呀，成條識豎起添！勁！導遊話呢隻叫"鮑魚舞"呢！

神戶牛柳／牛扒每份6500円，鮑魚就每隻6000円，我地四人就買左兩隻鮑魚，神戶牛柳／牛扒各一份！

影張大合照先，我同太陽哥哥捧住個兩碟係本身的團餐包既！

煮到咁上下，廚師會將鮑魚起肉界開，再用錫紙包住煮！

跟住上碟~~

我覺得鮑魚硬左ｄ，麻麻地，但太陽哥哥就話好好食；至於神戶牛柳／牛扒，我就覺得林就幾林，但又冇導遊講得咁好食，咩即溶係口個種感覺囉．．．呢ｄ都係同鱈場蟹一樣，試一次就夠了．．．

返酒店後都係指定動作浸溫泉，因為今晚係最後一晚有得浸溫泉，聽日就返東京啦；雖然今日個溫泉尋日已浸過，但個室外木桶溫泉真係好正，我就係個度浸左好耐，一路浸仲諗左好多，回味返呢幾日既行程，攪到有ｄ唔捨得北海道添！話晒第一次黎，咁快就玩完，亦意味行程已去到一半了！加上東京冇北海道咁凍，應該唔會再見到落雪景了，記得太陽哥哥同我講過，想同我黎北海道既原因，除左係大家都未去過係第一次外，另一原因就係真係好想帶我去睇雪．．．好窩心．．．宜家要走了，好唔捨得呀！

臨走時，"捕"左三晚，今晚終於見到ｄ女團友啦，哈哈！一出去就即刻同太陽哥哥同victor匯報啦！嘻嘻~~

酒店的室外滑水梯，今日都係冇開放，冇緣玩添．．．失望．．．

經過酒店舖頭見到一個由好多好細仔既鞋仔整成的蛋糕，好特別！

回房間後係檯面發現一張咁colourful既酒店地圖，第二日先見到，真失敗~~

今日的戰利品，終於儲齊晒導遊推介的三種合味道杯麵的味道啦！