2008年1月22日 星期二

2008-01-22 (Tue) 北海道東京九天之旅 - 第三天 (下)



飯後行去相當出名既小樽運河影相,記得"衝上雲霄"有幕zoe係度同呀sam示愛,我好深刻,今日,我終於能親身踏足呢度啦!咁靚既地方,容許我post多幾張相啦,因為咁多靚相,我實在揀唔到呀!嘻嘻~~



攝氏1.3度,所以並沒有落雪。



沿住運河左邊行落去,又係另一番景象!



好少機會有幸能同真雪人影返張相,所以不能錯過!



咁凍食咁大杯雪糕,問您頂唔頂得住?看似堡壘既餐廳做背景,張相影得好靚呀!



跟住既時間係shopping@小樽市,終於見到導遊推介既DYDO粟米湯,可惜售罄...



水晶音樂城好多音樂盒,輕脆的叮叮聲的確幾好聽幾舒服,但當成間舖係咁叮叮叮,叮叮叮,我就覺得煩左少少;加上略嫌音樂盒易碎笨重,價錢亦唔平,我就麻麻地,可能我唔夠浪漫啦,哈哈!太陽哥哥就係度揀左個音樂盒比佢就快結婚既上司!



我都係鐘愛逛精品店多d,嘻嘻~~



我既favourite chip n dale,好多好多呀!



錫啖先~~



新出的pooh & stitch 跳舞公仔,一拍手就會跳舞,好過癮!






大家估下呢個係kitty係咩黎?



開估~~ 真係估佢唔到...不過又真係幾靚既!



好大隻細菌小子同麵包超人呀,唔好再做敵人,做個朋友啦!



精品店門口既micky & minnie小石像~~



仲有pooh pooh大門牌~~



呢個係蒸氣鐘,留意鐘頂會冒出蒸氣既,好多人影相呢!



我就覺得呢座building靚好多喇!



太陽哥哥睇中了呢款tee〔1575円〕,可惜我首選青色同次選橙色都冇佢size,最終佢揀了紫色!另外,我仲係度扭了兩個kitty扭蛋呢〔@300円〕;同埋買左兩盒royce朱古力,一盒係香港冇既四味 origin chocolate〔1260円〕,都幾貴喎,可能sale in japan only啦;另一盒係香港都有售既 crunch chocolate〔630円〕,亦係我最鐘意食既,香港賣六十幾蚊一盒架,平成七折呢!



開始天黑了,要爭取時間影下小樽市呢條名為"歐陸情懷古典街"!



呢款五層雪糕好出名,一次過滿足晒五個願望喎;但我地都對薰衣草味同士多啤梨味都麻麻,只選了三味雪糕〔350円〕,牛奶、蜜瓜同朱古力味!



回程竟然比我見到幾年前去東京大阪時我好鐘意飲既西柚汁,個時係大阪至有,東京係極少機會見到,宜家見到,當然即刻"禁"返兩罐啦〔160円〕!(呢次係成程日本九天之旅見到的第一次,亦係唯一一次,唉...總之禁"多d啦!)



今晚的酒店會入住兩晚,尋晚浸左全裸溫泉,今晚有得著泳衣,咁就唔洗咁悶啦,但只限係游泳池內游水,溫泉區都係要男女分開同全裸架!初頭好期待游水呢part架,因為個游泳池有室外同室內,導遊話係室內池入面有個窿,吸一口氣潛落去,就可穿出去室外個游泳池架,聽到都覺得好玩啦;仲有條滑水梯喎,自從香港水上樂團拆左後,都好少機會可玩滑水梯,不過可惜...室外游泳池同滑水梯都封左呀...唔知係維修定係凍得滯唔開啦,望到結晒冰咁,唉,好失望呀!室內游泳池冇咩特別,係有機會比太陽哥哥同victor望下d女團友身材囉,哈哈!


跟住又係分開浸溫泉時間,今晚呢間酒店的室外溫泉,比起尋晚個間靚好多,唔再係一個露台仔咁細size,而係一個正宗室外溫泉池;仲有款木桶溫泉,咁起碼有兩款室外溫泉比我試下丫麻;木桶個個得兩個咋,我都有幸浸到,仲係自己一人一桶,由於係室外,周地都係雪,仲有d雪粉係天度飄落黎,氣氛真係好正呀!最衰唔係男女一齊啦,唔係實會好浪漫姐!都唔明點解係要除晒衫浸溫泉,攪到要男女分開...今日同尋日一樣,見唔到d女團友浸溫泉既,返去點同太陽哥哥報告呢?哈哈!


晚飯係酒店餐廳食自助餐,嘩,呢餐認真麻麻,唔知係酒店少人的關係定點,款款餸都唔太熱,我地好懷念尋晚的大排檔呢!



今日之戰利品,唔係好多咋!




沒有留言:

張貼留言