2008年1月1日 星期二

2008-01-01 (Wed) 囝囝首次曝光

呢隻藍色公仔係咪好醜怪呢?佢叫codebar,以身上個barcode取名,係我同太陽哥哥個囝囝黎架!話說係幾年前,太陽哥哥係書展買佢返黎,跟住被隱藏左係雜物櫃好多年,身世真係可憐...有次大掃除,差d被人當垃圾丟左,開頭見佢咁醜樣都冇咩好感,但我見佢隻眼細細,有d似太陽哥哥咁,就收養左佢啦,佢亦係我地既開心泉源黎架!


好似尋日,太陽哥哥msn左以下張相比我睇,話一返到屋企就見到咁既場面...codebar拆左我地盒朱古力偷食呀!



跟住比daddy家法侍候...



mami唔係度,救佢唔住...codebar,對唔住呀...媽咪保護唔到您...




又因為係呢個xmas長假期,有時得我一個,我試過罰codebar企埋牆角,跟住扮佢send mms比太陽哥哥:話被媽咪罰,爹哋快d返黎救我呀!件衫係咪好熟口面呢...哈哈,就係咁,太陽哥哥係公司做緊野都忍唔住笑爆咀,打比我時笑到收唔到聲,冷靜左好耐先講到野!哈哈!所以呢,codebar真係我地既開心泉源架!




父子照,一齊睇電視,一齊食雪糕,好攪笑呢!




codebar之所以首度曝光,其實都係因為新一年來臨,想大家開開心心得啖笑,我地先一家三口同大家say個happy new year姐,希望大家都鐘意我個囝囝啦!我估您地都覺得佢醜樣架啦,我開頭都係咁覺得架,但望多幾眼啦,望多幾眼就會越望越順眼架啦,哈哈!


踏入2008,最唔捨得就係岩岩呢十一天聖誕假期,去過樟木頭啦、太陽哥哥的聖誕裝置啦、2008聖誕咭同2009年曆咭啦、華仔演唱會啦、平安夜buffet啦、crazy xmas party啦、除夕去倒數啦、狂睇戲啦...真係一個好開心好興奮好浪漫好難忘的2007聖誕!聽日就要返工,諗起即刻謝晒...不過返兩個半星期就放十天假期去北海道啦,呢幾天check左自由行北海道已full晒,跟團又冇小樽札幌七天團,我地又真係好想去北海道喎,因為個個都未去過係第一次去...最後我地今日傾掂數,一切如舊,計劃不變,唯有gigi要辛苦少少,因為跟團要早起身係慘d,但好在北海道快天黑會早返酒店可以早d休息,我地亦會take care佢多d架啦;攪左幾日終於confirm去到啦,yeah~~ 遲d仲有克勤演唱會添...非常超級勁期待呢,諗起呢度又生猛返晒 lu!


新的一年,希望大家要咩有咩,開開心心!HAPPY 2008!



沒有留言:

張貼留言