顯示具有 2008年1月 標籤的文章。 顯示所有文章
顯示具有 2008年1月 標籤的文章。 顯示所有文章

2008年1月31日 星期四

2008-01-31 (Thu) Dinner @ 避風塘 & 長江七號


月中同太陽哥哥朋友kim, maggie, suki, michele係小南國食飯後,相約左今日一齊睇首日長江七號(http://hk.myblog.yahoo.com/aquarius-givens/article?mid=4605),太陽哥哥仲係去日本前已買定五張飛呢!


誰知kim搵到份新雜誌社工,雜誌社做野一向唔洗旨意早收工啦;maggie一早話左唔去既;michele就因為臨近年尾勁多野做走唔甩,最終得返我同太陽哥哥,suki加佢既紅顏知己路易!


我地先去避風塘食晚飯,細group食飯反而比上次更熱鬧,suki好健談,同太陽哥哥又成日串來串去;路易比我上次見佢印象多左野講,亦同我地分享佢前排美國公幹的趣事;大家有傾有講幾好傾同relaxed,時間過得好快,唔係趕住睇戲都唔走住!



一如慣例,先黎獨照,再黎合照啦!




長江七號比我如期好睇好多,可能我對周星馳唔係勁愛,我只抱住"大電影咪去睇囉"既平常心態入去睇,可能因為咁,出黎效果對我就幾深印象!因為呢套片有笑聲之餘,仲有感動位,好多人都喊呢!笑gag位諗返其實好白痴,但可能係出自星爺手先拍得咁攪笑,仲係好攪笑兼笑得好大聲個隻;亦估唔到會有個咁感人的親情位,係大陸人拍印象分會扣左少少囉,建議大家抱住童真既心入場睇會開心好多!


七仔好得意,我都想要返隻呢!




2008年1月30日 星期三

2008-01-30 (Wed) 北海道受歡迎手信


呢兩盒係北海道買返黎好食兼受歡迎既手信,係度介紹比大家,有機會記得買!最重要係就算拆開獨立包裝都好得體,岩晒比d細group既friends,咁就唔洗有時為大班friends送咩細班friends又送咩而煩啦!yeah~~




2008年1月28日 星期一

2008-01-29 (Tue) Happy Birthday to Mami!


尋日落機返到屋企已過左十二點,仲要同屋企人寒暄呀派手信咁,又要拎d衫去洗,但香港的天氣又濕又落緊雨,都唔知點算...


今日請假多一天,以便處理閃左成十日的家居私人業務,加上媽咪今日生日麻;點知佢晏晝約左人飲茶,激死!咁我就訓到想醒就醒,跟住執野等...成日只係食左日本買的一個杯麵,呢個並唔係cheese curry or milk seafood味,我見係日文字加上豚肉就買黎試,又幾好味喎,大家有機會去日本記得試下!買d香港冇又好好味既味,食落都開心d,好似我細妹都試左milk seafood,佢都贊呀:http://hk.myblog.yahoo.com/maggie-kkc/article?mid=3597



夜晚飯局係媽咪最鐘意去既"金潮小廚",好在細妹book左,唔係又係等餐死;今次的慶祝飯局,爸爸都有黎,其實係上個月食飯時佢話今個月一齊食既;今次係近來第二次真係成家人一齊食飯啦,雖然我對爸爸印象麻麻,只希望媽咪適應下,咁將來唔洗咁多尷尬位要處理啦;點解我對爸爸印象麻麻,其實係佢個人都幾麻煩,成日點細妹幫佢做呢樣個樣,當人地係秘書兼打什咁,真係幾麻煩架...可能細妹唔識say no啦,明明唔想做但又應承,跟住就同我地呻,我覺得幫唔到就一定要reject,咁咪唔洗咁煩囉...又好似今日約左八點,爸爸成八點九先到,生日食飯都遲到...黎到又唔食野,梗係同d團友食左,咁黎望住我地食,好唔順暢麻...唉...


食飯只影了餸,沒影人...太尷尬了!



沒有再買禮物比媽咪,聖誕時買了部全新手機比佢,價錢足夠當兩個節日既禮物啦!原本諗住買蛋糕都好既,但佢又on diet,佢又認真叫我地唔洗買因為佢唔會食,所以我地只係食餐飯算了!係度同佢講聲:媽咪,祝妳生日快樂!!!


2008年1月19日 星期六

2008-01-19 (Sat) 一月之星碌齡大賽


尋日係明記生日正日,原本係上星期話幫佢慶祝既,但突然改左正日;由於我同太陽哥哥一早約左raymond食飯,所以join唔到,好在今日有一月之星碌齡大賽,總算有d參與麻;雖然聽日我地早機,但holidaymood極濃的我地,當然照去馬啦!


今日行程相當緊密,有位熱心好友車我地去太陽哥哥的哥哥屋企拎行李喼,我地一早出發,誰知遇上...交通意外,人無事,但車就...好友想低調處理,我亦不便在此講那麼多了,總之多謝好友的心意,亦希望上天賜福比佢!


之後返去執行李,因為碌齡回家後會相當夜,實執唔切;囝囝係我地一份子,其實預左帶埋佢去,耳罩都同佢戴埋;但後來我怕回程喼會唔夠位,就叫太陽哥哥放棄佢,攪到我做左衰媽咪添...



今日碌齡有十人,五對五;如以往一樣,隊際同三甲都有獎;先講個人賽,所有男仔竟然大熱倒灶敗給我,由我奪去冠軍寶座,真係超開心,今次係第二次碌齡比賽奪金牌了!其次亞軍ben,季軍壽星仔明記!三份禮物我對足球一d興趣都冇,唯有揀個小朋友足球玩具啦!



隊際方面,當然由我帶隊個隊勝出啦!先黎張勝隊大合照,跟住敗隊大合照!



禮物方面,係我早前係台灣旅行幫手買的手指筆仔,支支都唔同手勢,仲有晒紙袋,好prof咁,大家都好鐘意呢,幾有滿足感!不過輸左個隊冇份就有d失望既...明記雖然係輸個邊,但因為佢生日,都預埋佢!



大家影張獨照先,當然係我叫佢地擺返筆既手勢啦!ben個張真係照爆笑呀,真係堅塞入個鼻窿度,好污糟呀!



唔少得同太陽哥哥影返張啦,仲有壽星仔!



呢篇entry我寫得好唔開心,因為全部d相係由琪琪個blog copy出黎,咁original個d呢?咪就係囉,無拿拿係我部電腦度唔見晒...琪琪用完upload完就攪成咁,唔知係佢delete左,定係copy時用左cut & paste;有d分數相無晒,唉..相一向係我命根,炆到我...想打人呀!