今晚細佬妹都有節目，媽咪冇人陪食飯，我地就買左KFC返屋企一齊食！但媽咪話著住睡衣，係都唔肯上鏡呀！
好開心媽咪買左份小禮物比我，但我唔會係屋企用，因為屋企本身用緊套媽咪囝囝囡囡的同款杯，一set黎架，所以呢隻新杯會放係太陽哥哥屋企度用！
另外亦收到太陽哥哥送比我的新衫，兩星期前睇中左，前幾日先得閒去izzue搵太陽哥哥的哥哥的朋友用staff price買，點知個間已無貨；而izzue唔做transfer，冇理由叫人地去第二間舖買姐，所以放棄左．．．點知冇折都好，太陽哥哥自己去搵到買左送比我呀，好開心呢！
陪媽咪食完飯後，我地去左睇"魔間傳奇"，都幾緊張刺激，冇咩悶場；雖然個內容都係講咩病毒入侵，ｄ人死晒；呢條橋都用過好多次，但都唔錯，起碼好睇過nicole kidman套"無恐不入"（我上一套睇過的同類片種）好多！
沒有留言:
張貼留言