今日係意義重大的一天，因為要揀．．．求婚介指呀！不過唔好誤會，因為唔係我，係我幫jacky姐！因為我識人多，折扣自然多，哈哈！其實係有朋友係周生生做，買野會比平時walk-in買平，當然仲平過會員價啦！應該係全靠細妹就真，因為個朋友其實係細妹的朋友，只係佢認得我，我先可帶朋友落去買野咁囉！太陽哥哥知我陪jacky買介指，死跟住黎呀，佢話要同個朋友熟ｄ先，等佢認得佢呀，哈哈！
買介指前約左阿仔同hazel食飯，因為佢地比ｄ北海道資料我地，佢地試過好豪咁遊北海道呀，但跟佢地咁玩法，我諗兩三年都唔可以再去旅行了！
我地去左pokka食，真係好味，我好鐘意pokka，可惜貴左ｄ，唔可以成日黎食啦！阿仔同hazel原來好願意影張架，even獨照相，最攪笑一有餸黎到，係阿仔問我係咪要影相呀？越來越多人知我慣左影相了．．．不過都好，比人咁深的印象，見過幾次就咁了解我，係好事呢！
hazel係咪好靚女呢？佢係太陽哥哥ｄ朋友入面我覺得係最靚女個個架！
到我同太陽哥哥了，一二三！一數到三，太陽哥哥就唔正經，玩左我好多次呢！even我唔數一二三，佢都望到鏡頭入面眨一眨，知我按快門，又扮樣，激死！第四張先肯合作呢！佢捧住碟野食，令我地都不約而同咁諗起台灣的蛋蛋屋呢！
合照時間~~ 又黎了．．．好啦吓！！
跟住揀介指，jacky揀左隻半卡左右的介指，仲係八心八箭黎架，我都有份比意見架，希望carol鐘意啦；不過未來老公送既，實鐘意既！揀鑽石介指最重要睇4C：Cut(切割)、Cart(卡數)、Colour(色澤) & Clarity(淨度)，唔係淨係睇卡數就夠架，唔識就問我啦！嘻嘻~~
隻介指拎到八五折，一萬平千五，兩萬就平三千，如此類推．．．所以唔好睇少ｄ折頭，買五位數字既野，少少折已經講緊幾餐buffet架啦！jacky諗住聖誕或者除夕就會求婚，好期待呢，我都戥佢緊張呢！原本只得我同太陽哥哥，後來細妹臨尾黎埋同佢朋友打聲招呼，之後jacky請我地去許留山食甜品！
旺角與太子中間開左間譚仔記分店呀，正呀！以後唔洗再去深水埗了，相信呢度將會成為我主場呢！
沒有留言:
張貼留言