2008年4月15日 星期二

2008-04-15 (Tue) 好好味的芝麻波波綿花糖


Michele 有天買了個芝麻波波綿花糖比我,佢一講芝麻兩字,我就心有體會,唔...覺得好warm,因為佢好細心,知我近排想食多d芝麻等少d白頭髮!




呢款日本零食真係好好味!咪見佢黑mon mon咁,雖然我都覺得d波波似泥膠,有同事仲話似blu tack添,哈哈!但食落好重芝麻味,亦好軟熟,十個good呀!可能好好味,覺得d黑mon mon波波,越睇越可愛呢!哈哈!


咁好味梗係問下Michele 係邊度買,原來係citysuper咋!大家記得去大量入貨啦,見我咁鍾意食,識做啦,唔覺意入多幾包囉...入多d,到時唔鍾意食過晒比我又得!嘻嘻~~





Michele 另一天又買了樣同芝麻有關既野食比我,就係芝麻牛奶喇!我唔飲純牛奶架,不過其他有味的奶類飲品都OK,好似朱古力奶、木瓜奶、芒果奶,我都非常鍾意!


芝麻味的牛奶看似裝修工人的泥膠水,哈哈!但味道也不錯!如果食多d芝麻真係可以令白頭髮變返黑,我唔介意飲多幾盒,因為呢款飲品可隨時買到,好方便呢!




Michele咁有心買咁多芝麻野食比我,真係好開心,多謝妳呀!希望d白頭髮快d變黑啦!



沒有留言:

張貼留言