2008年4月2日 星期三

2008-04-02 (Wed) 挑戰成功!




今日的MSN寫了"希望今晚挑戰成功!!",好多朋友見到都問我咩挑戰咁,其實佢地真係好關心我!但今朝冇講,因為未知成唔成功麻;其實係好姊妹Elsa介紹我入去佢兼職的日語學校返PART-TIME,佢呢份工我一早覺得好想做,因為人工真係好好,有成六十蚊一個鐘架!但一向夠人,係黎緊開新centre先請人,我今次先有呢個機會,亦好開心見成左,應該係四月尾五月頭返工架啦!


好多朋友知道後問我做咩返兼職呀?好等錢洗呀?其實都有幾個原因既,首先份工幾岩自己,都係做類似學校既野,其次又有機會同Elsa一齊返,同好朋友返工好多人恨都恨唔到,開開心心時間好快過!最現實當然都係錢啦,咁真係算好pay喎,係咪先?而最緊要係...時間,太陽哥哥遲d會做兼職,既然係咁,我又冇野好做,而我份正職最好既就係準時收工同多時間!既然配合晒各方面,就決定接受呢個挑戰啦!未開始做我都未知點架,咁就實會辛苦d同攰d,希望頂到啦,不過我相信習慣既啫!


媽咪聽到後,佢第一個反應係:下,您返埋兼職咁我咪好少見到您囉!同我當初知道太陽哥哥返兼職時反應一樣!所以呢,睇到我係媽咪心目中係好重要,見少d會唔開心;就好似同戀人一樣囉!


同太陽哥哥一齊返兼職,咁就可以為我地既大project做足準備;但我有d驚第時會各有各忙而感情變淡呀,希望唔會啦!



見完工後,Elsa已經係樓下等我啦,好似接我放工咁,哈哈!心情咁靚,梗係行下街街啦!我想買份生日禮物比一位鍾意麥嘜的朋友,就去左世貿McQuarter啦,當然揀到心頭好啦,但唔post出黎住,保持神秘感麻!




好靚的櫥窗佈置,好大隻公仔!麥嘜系列入面,我最鍾意菇時同輝輝架,而Elsa就鍾意輝輝,咁我地就同公仔影合照喇!






之後去左滿記醫肚同傾計,最緊要梗係慰勞Elsa啦!我又食左黑mon mon既芝麻糊呀,不過驚太齋,所以加左西米,不過好似唔多覺呀呵?但隱約都見到d既,嘻嘻~~ 希望d白頭髮快d變返黑啦!(即刻諗起美原髮彩個廣告:逐漸變黑又得,立即變黑晒又得,得左!美原髮彩,冇得彈!哈哈哈哈!!)




Elsa真係超錫我,上次三月頭我地出街時用左佢的Mrs. Fields 買三送三coupon,一齊share左;宜家又到月頭,個傻妹尋日都特登唔買住,話知道今日會見到我,我又鍾意食,留返同我share喎!真係勁感動,錫晒您!



落地鐵站買Mrs. Fields時,見到好多paddington bear,原來係7-11賣廣告呀,好大隻好靚呀,真係揼本,我地就即刻影左一輯相啦!銅鑼灣地鐵站人來人往,自己一個實唔敢做d咁既野,哈哈!


等到太陽哥哥放學後,我同Elsa就分道揚鑣,係度真係多謝您介紹左份工比我,亦好好咁黎接我見工同陪我行街等太陽哥哥!另外,好多朋友亦因為我的msn info而好關心我,我覺得我既朋友個個都好錫我呀!今日真係好開心同值得紀念呀!



沒有留言:

張貼留言