今日係碌齡朋友幫琪琪攪生日，ben好好咁主動做攪手，如果唔係，可能真係無人攪了，呢個圈子的人，通常只會叫，好少做，包括我．．．哈哈！
呢度環境幾靚既，但我地的檯實在太細同太迫了！不過亦可反映好多人都有比面出席，琪琪多哥哥姐姐錫吧！
食物方便，較為參差，有ｄ好食，有ｄ唔好食，我個黑松露海鮮飯就好正喇，可能係廚師推介啦！
飯後就玩左陣明記killer，但可能係長方檯太長的關係，玩得唔太方便，但都有幾part攪笑場面，好似sa自己扮係killer咁，我又以為自己死左，攪到亂晒龍，哈哈！
切蛋糕時間，ben原本想買兩支旗插係蛋糕上寓意琪琪攪下笑，但搵唔到，唯有用手畫啦！不過佢呢個 idea其實真係好攪笑，可惜可惜！
拆禮物時間，琪琪見到個膠袋就好開心了，因知道係同單車野有關！
下．．．單車衫？咁質地既咩？個款仲．．．岩阿爸多ｄ喎！
件衫其實係ben自己既衫黎既，佢呢招係整古琪琪！但琪琪亦好配合，估到ben整古佢都照著上身比大家睇，睇下岩唔岩身喎！ben出晒名臭汗多，琪琪真係勁！勇！呢個真係一個開心又笑到碌地既笑話！
健黎唔到食飯，但自備左一張生日咭，上面有晒佢同pui yee的祝福字句，呢下真係好有心，我本身係重文字的人，對ｄ咭呀信呀都覺得好有心意，呢下，真係唔係睇價值，唔係十蚊、廿蚊既問題，就算張咭係一蚊，我都覺得好有心，真係花時間去揀張咭，去寫ｄ祝福上去喎！雖然唔係我生日，我都幾多謝阿健！
呢件衫就係我地送比琪琪的生日禮物！呢份禮物係ben諗架，其實我真係好慚愧，我根本無為意細妹有咩需要，都係ben有次碌齡聽到琪琪問sa ｄ單車衫係邊度買，傾左好耐，佢就知細妹想買！
單車衫係前天跟ben一齊去買既，其實仲有好多款，不過ｄ款真係麻麻，但件紳士單車衫好攪野，如果sa著都好攪笑！
14 April 2008 (Mon)
講返呢個生日會，其實都要多謝ben，佢當中做左好多野係大家唔知，因為呢個圈子可能多人既關係，就會多意見；ben 今次花左幾多時間諗地方，仲特登吟荷包自己出左五十蚊做個cafe vip，因為想搵到個可以圍埋一班人的地方；揀蛋糕方面，又計過出去買的話，cafe會收四十蚊切餅費over budget，最後都係決定係cafe買佢地的cake，又特登去落訂，仲有度"計"整古琪琪等等．．．老實講，佢自己仲拎五十蚊黎做 vip，連我自己都未必會咁做．．．
我係度講，係因為想大家知道ben係好有心做左好多野既，因為佢都好錫琪琪！同埋今次又係佢做攪手，希望大家開開心心．．．但．．．
以下既野，我諗左好耐，個心好唔舒服，不過我都只係抒發下個人感受je：
咁大隻死貓我真係啃唔落
公平唔公平，咁多年朋友，點會唔明？之前亦有過好多問題，我想講，個point唔係公唔公平，因為就係好難做公平，ben先問大家意見；但點知都係有呢個誤會，好似係迫住夾咁，點解要諗歪？調返轉，如果唔事先唔問清楚各位，唔問又會有咩後果？咪仲比人鬧死．．．朋友一場，唔願意，有意見可以講（就好似呀健，佢黎唔到食飯，坦白話唔洗預佢，咁咪唔會有誤會囉），何必搞到咁唔開心？
我想強調，就係因為知道好難做公平，先問大家意見；個point係點解有問題唔開始時提出，貴定平？買ｄ咩？都可以問架，又唔係一定要夾，大家都咁多年朋友，點會唔明，都係發表下意見之麻！
究竟BEN同每位朋友講時係點講，係咪溝通上的誤會呢？我唔確定，我當時只相信攪手係問清楚左．．．但攪到咁，真係好唔開心，因為覺得攪手花左咁多時間心思，某ｄ位已諗過度過去配合所有人，但都係得個吉咁。
我最最最唔開心係，有人覺得：今個月係G細妹生日，G梗係知細妹想要咩啦，份禮物係G主使要買既，攪手同G咁friend，實和議啦，冇野架，叫我地夾咋麻！
咁大隻死貓我真係啃唔落！！！
我想講，BEN係問左大家，手上楂住幾多budget先去買的，並唔係買完先叫大家夾錢！
點解會買呢件衫，我亦一次過講埋，唔係因為琪琪係我妹至會買呢件衫，一開始我都冇咩idea買咩，我地屋企慣性買唔到就封利是，係ben講琪琪問過sa單車衫ｄ野我先知，呢個idea唔係我主使的！為免大家誤會，我亦同ben講好唔會同一份，就係知人言可畏，我諗住買單車鞋，ben就拎大家個四百蚊去買單車衫；但去到單車鞋揀唔到，四百蚊的衫亦揀唔到，我地先話買呢件八百蚊既單車衫，係唔影響大家原則下，我包底！
故事講完了，我只想為自己食死貓呢件事申冤，因為先問後買、先買後問呢件事，同埋係咪我主意話買呢樣野，我一定要相當執著，關乎我聲譽問題！至於之前知唔知禮物幾錢，我相信無論我點講，都係有唔同意見架啦；有人問我為咩咁嬲，如果人地係要委曲黎講我，唔值得為左咁而唔開心，越嬲咪即越在乎．．．無錯，可能我真係太在乎呢朋友！
沒有留言:
張貼留言