2007年5月23日 星期三

2007-05-23 坐住輪椅去唱K

細妹今日發神經,可能聽日放假好重holiday mood,佢提議話睇完溏心去唱K,我地都受左佢感染,即係約休同rainbow,攪掂就去馬!

出荃灣唱,諗住咁晏,無咩人,梗係搭巴士啦,雖則臨時殘廢,又唔係百萬開頭,都唔可以下下遙手截的士,所以就坐住輪椅去唱K!點知第一架巴士,司機唔比上,話要等金巴;第二架,又唔比,但我地知呢條線根本無金巴,太陽哥哥唔理三七二十一,隊左架輪椅上去先,司機唯有勉強就犯...但點可以咁對待傷殘人士架?過份!

唱K比預期麻麻,因為好迫攪到隻腳好痺,加上太陽哥哥又頭痛,再加上得二個半鐘度咋,唔夠喉!仲早了五分鐘熄機,好大胆,跟住我地就爭取,個經理仲串串地話不嬲都會早五分鐘熄機,比d客執野同去厠所!簡直bullshit!!比您地好無禮貌咁未夠鐘就入黎執野咋掛??我地勁唔順超,佢地就唯有眼超超,死死地話比返五分鐘我地...d人真係,唔發惡就當人係病貓!!

跟住我地坐的士返屋企,開始發覺d的士司機拍得住小巴司機,呢期坐d的士都開得好快,令我諗起唔記得同大家分享一段的士驚魂,話說:我出院回家個日,個的士司機楂車好鬼浪呀,輪椅放係車尾箱,架車一路行,一路晃,好搖呀,車尾箱就係咁發出抨抨嘭嘭聲...跟住細妹無端端同我細細聲講:家姐,您睇車頭個司機架個度,點解無司機相同名個牌既?...得個"吉"架,架的士無司機牌架........


沒有留言:

張貼留言