2007年5月15日 星期二

2007-05-15 五月之星生日

今日係bowling friends慶祝五月之星生日的日子,五月生日共四人,有休SUNNY鑫同PUI YEE,我地去左朗豪坊的竹蘆山房食晚飯,諗住有會八五折咭冇咁肉赤,誰知去到滙豐信用咭做緊半價,仲抵,十一個人請埋三個人食,每人先係$70!間野都幾好食,第時去旺角又多一個選擇喇!







之後去左cafe玩game同等明記,玩pictionary時,BEN的"傑作"同健永遠的哈哈笑公仔真係笑爆咀呀!

咁岩休係明天正日生日,我地就等到十二點切蛋糕,兩個壽星仔的賴surprise樣,真係假左d呀!

跟住影相,休仲中途被人除左件衫呢,我地就上演左一幕"休被姦案",掀起全晚的高潮!

個cake係咪好靚呢?係pappagallo既雪糕蛋糕黎架,sorry呀,有d朋友覺得我訂貴左,但我冇諗過咁少人去cafe,希望您地覺得食飯食平左拉返"暈",唔好怪我啦,我只係諗住次次cream cake冇咩新意,又咁多人有份生日,先諗住訂個雪糕蛋糕特別d咋!平時食個雪糕球都要廿幾三十,所以...您放心啦,我有八五折咭,邊個要就出聲!

今晚玩得好開心呀,不過失望地鑫因為喉嚨有事入左廠黎唔到,唉,我個蛋糕仲落埋佢個名;反而最唔好意思係我唔知PUIYEE會到倒,所以蛋糕冇佢個名,係度要同佢講聲sorry!另外,見到好耐冇浦頭既kobe,真係幾surprised;BEN仲陰功得返十五分鐘食野;睇完休的BLOG:http://hk.myblog.yahoo.com/sunline-1984/article?mid=26&prev=29&next=23,先知漢咁有心,呢班朋友真係算係咁,雖然有時為d雞毛蒜皮嗌一餐,但去到一d位,大家都會攞個心出黎既!今日真係好多人都好比面!講真,邊有一班朋友成十個人都咁齊心,可以個個星期六都預左出黎碌齡聯誼丫?但有時又會嗌到反面喎,其實,係我地有心;定大家都寂寞先出黎呢?希望係前者...咁我地的友誼就真係能長存喇!

係度要多謝返休的多謝啦,對您,我一早當您下面係少咁d野,當正您係我好姊妹架啦!多謝您的體諒,自己有份生日反而要call人,真係要同您say sorry 至岩,其實您先係攪手!其他朋友唔該聽住呀,第日麻煩大家主動d,諗下其他朋友多d,一d位真係身份好尷尬架,麻煩您地自動自覺企出黎做攪手啦!唔該晒!


沒有留言:

張貼留言