今日係一早計劃好的buffet dinner，因為我星期五入院做手術，有排都未好返，而星期六係太陽哥哥的生日，我好內疚呀，同佢的第一個生日變成咁，所以，好想係入院前做到ｄ野氹佢開心！繼深圳毛家飯店一日遊同五月之星生日後，呢個亦係其中一項環節，我仲邀請埋太陽爸爸同媽媽一齊，當係太陽媽媽的母親節同月尾太陽爸爸的生日慶祝；呢排勁黏身的琪琪當然都係坐上客啦！其實太陽媽媽話叫埋媽咪架，不過媽咪怕羞唔黎咋！
我地先黎食食食，真係好多野食呀，不過我最鐘意都係生蠔，所以我去得最多都係海鮮個邊！
去邊間食真係揀左好耐呀，開頭諗住去旋轉餐廳，賣環境，view靚麻，但ｄ人話食物麻麻，因為老一輩應該鐘意食物好ｄ，所以先諗住去香格里拉，不過真係猶豫左好耐，假錢問題，我地又多人，唔係兩個人撐枱腳，都要以經濟原則行先既；後多好開心得到一位神秘人幫助，因為佢有香格里拉個張指定銀行既白金咭，由於佢應該太有錢，佢話唔准出名，所以冇辦法啦，但我真係好感謝您架，因為佢係特登走黎尖東幫我埋單，thanks！
埋單仲有段小插曲，就係要入黎食buffet的食客先埋得單，好擔心，好彩神秘人朋友肯借張咭比我自己簽咋，所以真係好thank you您呀！放心啦，我實報答您架！
除此之外，仲要多謝一個人，就係太陽哥哥喇，因為佢肉赤我用咁多錢，就主動資助左我一半，仲冇出名咁資助，即係太陽爸爸媽媽唔知，係以為我比晒架，咁我就加晒分啦，哈哈，真抵錫！不過我之前都類似咁幫佢加過分架，所以，我諗係我地大家都好錫對方囉！哈哈！
希望個個都鐘意今晚餐buffet同食得開心難忘啦！尤其是太陽哥哥，係度同您預早講聲Happy Birthday先！
沒有留言:
張貼留言