踏入年初二，我地第一樣野係去左行旺角！係屯門開完年後，我同太陽哥哥同琪琪就一齊返出旺角，繼續後生一輩的活動 - 下場！
黎到旺角十一點幾，當時ｄ捉鬼敢死隊企晒係度，小檔主只係用ｄ箱霸住ｄ位，冇咩動靜；點知捉鬼敢死隊一閃，不消三分鐘，成條街就變成咁啦，非常壯觀！
我地由油蔴地個邊開始行起，先係唔同的篤篤野食，其實好多都想食架，但頭先個餐加埋個大蛋糕都仲未落格，岩岩先話飽到嘔，試問又點食得落呢？所以只係眼看only：
好大桶豆腐花呀：
真係即刻用鎚仔扑的叮叮糖：
除左食物外，睇下有咩乾貨啦；有呢檔好搶眼既"褲貴吉祥韓國底底"，哈哈！
其他特色貨品：
呢檔絨絨檔唔錯呀，可能天氣凍，好受歡迎，我同琪琪每人都買左兩條絨絨褲訓覺呢！
真係好多人，開始迫，我有ｄ不耐煩了；行中間唔太睇到野，只係被人迫住黎行！
呢檔都好攪笑，見到ｄ人係度揀緊咩嗎？係麵包黎架！當然係假既麵包，但ｄ包好堅架，有包的香味架，勁攪野！ｄ人一路聞一路揀，超爆笑！
最後戰利品：薰衣草香包 & 兩條絨絨褲！
年初二的日頭時間我係屋企陪媽咪，太陽哥哥就連續第四天楂車，努力搵錢，我地就係屋企預備今晚打邊爐！ 媽咪整左兩條炮杖吊係大門兩旁，咁型，影返張相先！ 日食夜食左好幾天，我個肚dum已澎漲不少，我要求媽咪打邊爐唔好食咁勁，所以監督住佢買餸，我地今晚清清地啦，不過都有少少海鮮既，但呢度四個人都食唔晒，又係鮑到嘔的一餐！ 呢張媽咪話扮太陽哥哥，哈哈！點知到太陽哥哥黎到時就開始食，我地自己反而唔記得影相！ 係葵芳的零食物語搵到elsa推介既菠蘿芒果軟糖啦，順手買多兩款軟糖試下，因為我只食軟糖唔好硬糖架！
沒有留言:
張貼留言