2009-01-19 (Mon) 崖上の波兒

平時我成日去睇戲，好早前見到不日放映的"崖上の波兒"海報，其實唔知咩黎架，只係比 colourful 的 poster 吸引住，再望到係宮崎駿作品，就即刻同太陽哥哥講：我要睇呀！

宜家開始上映啦，不過我地仲未有時間去睇呀，因為呢排夜晚都忙於返工、睇場、做節、辦年貨等等，相信要等黎緊weekend或者新年假期先去到睇，但一見到或聽到波兒既野，我都好興奮架！

崖上の波兒首主題曲更加唔洗講，最初都只係係電視聽過，仲係日文黎，都唔知內容講咩，但唔知點解中段個幾隻字 "波~~兒~波~~兒~波兒波兒波~~~"，ｄ音聽左一次就好深刻，成日都會係腦海度出現，返緊工我都會哼下，同事聽到話我中左波兒毒呢！我都成日唱比太陽哥哥聽架，哈哈！

今日去九龍灣睇場，行過德福間戲院見到入面部大電視，先知原來崖上の波兒有中文主題曲，仲係謝安琪填詞添，即刻衝入去睇啦！有埋字幕，實會學識成首歌點唱，唔會剩係只識波黎波去咁唱啦，哈哈！

 "波~~兒~波~~兒~波兒波兒波~~~"　 "波~~兒~波~~兒~波兒波兒波~~~"

崖上的波兒 (香港版主題曲)

作曲: 久石讓
作詞: 謝安琪
編曲: 久石讓

波兒 波兒 波兒 魚兒小寶貝
在深藍大海裡 搖擺著尾巴
波兒 波兒 波兒 肚子脹卜卜
脹卜卜 哈哈笑 整天在笑

跳前跳左 轉個圈
一對奇妙腳仔 開心通處跑
牽著你走 揮一揮手
真有趣這小手 牽手來喲

只想一起傻傻地跳 教我的心舞動如歌
BooLu BooLu 親親
BooLu BooLu 擁抱
是我心裹最愛的你
紅著臉囉

波兒 波兒 波兒 魚兒小寶貝
在這懸崖邊找到向海洋小屋
波兒 波兒 波兒 肚子脹卜卜
脹卜卜 哈哈笑 整天在笑

另外仲用相機拍低左段預告片，因為係戲院部大電視播，所以呢個係原裝足本預告片，唔係cut左得三十秒個ｄ黎架！