2007-08-17 (Fri) Kruspy Kreme Doughnuts & Rush Hour

前幾天應承了媽咪會請佢食呢隻冬甩，今日睇完戲後十點幾係旺角見仲未收舖，就買左返屋企！最攪笑係唔知係咪ｄ職員攪錯左定點，有一叠紙帽放係度比人拎，我地就拎左兩頂，返到屋企時係門口戴定，跟住衝入屋大叫送外賣，笑死媽咪！

不過佢好開心，梗係啦，我地咁有心，佢即刻成盒捧住坐埋一邊係度食，一路食就一路話：um....好味...好味！食到成個小朋友咁，似足一個大細路！

咁colourful既冬甩，梗係要影低啦，七彩碎朱古力個款，仲係阿森一族入面阿森的指定冬甩呢，好攪笑！

Rush Hour係太陽哥哥等左成半年既戲，因為佢係成龍大哥既：長期忠實die hard粉絲，哈哈！套戲就．．．內容麻麻，劇情有ｄ無聊，但有好多爆笑位，仲係全場大笑個隻，大家想輕鬆下，不妨去睇啦！